निर्मला हत्याकाण्डमा एक व्यक्ति काठमाडौंमा समातिए


बलात्कारपछि हत्या गरिएकी १३ वर्षीया बालिका निर्मला पन्तको घटनामा संलग्नको लामो सयमसम्म अभियुक्त पत्ता नलागेको विरोधमा विभिन्न खाले आन्दोलन भइरहेका छन् । धर्ना दिँदादिँदै निर्मलाका बाबु बिरामी भएपछि अहिले काठमाडौंमा उपचाररत छन् ।
पन्त परिवार काठमाडौंमा उपचारमा रहे पनि विभिन्न व्यक्ति र संस्थाले ‘सरकार भेटियो, न्याय भेटिएनजस्ता पोस्टरिङ गर्ने, सडकमै सुत्ने, टर्च लाइट दिउँसै बालेर न्याय खोज्ने’ जस्ता कार्यक्रम चलाइ रहेका छन् । तर यही बेला प्रहरीको केन्द्रीय अनुसन्धान व्यूरो (सीआईबी) ले बुधबार काठमाडौँंबाट एक व्यक्तिलाई समातेको छ ।


महाराजगञ्जस्थित सीआईबी कार्यालयले बुधबार समातिएका भीमदत्त नगरपालिका १८ का प्रदीप रावलसित अहिले बयान लिइरहेको छ । रावल यसअघि पन्तको शव भेटिएकै भोलिपल्ट देखि भारततिर लागेका थिए । पछिल्लो समय उनलाई काठमाडौंमा देखिएपछि प्रहरीले पक्राउ गरेको हो । उनलाई महानगरीय प्रहरी वृत्त, महाराजगञ्जमै राखिएको छ ।
अभद्र व्यवहारसम्बन्धी मुद्दामा प्रहरीले उनलाई म्याद थप गरेर अनुसन्धान थालेको छ । पहिले सबै जाँच÷अनुसन्धान सकेरमात्रै रावलबारे बताइने प्रहरीको भनाइ छ । पहिला विस्तृत अनुसन्धान नगरिकन दिलिपसिंह विष्टलाई सार्वजनिक गर्दा प्रहरीलाई समस्या परेको थियो ।
सीआईबी ब्यूरोले बुधबार साँझ आईजीपी सर्वेन्द्र खनाललाई रावलबारे बिफ्रिङ गरेपछि आफैं पनि ब्यूरो पुगेर अबेरसम्म बयानमा बसेका थिए । खनालले त्यहाँ पनि आफ्ना विश्वासिला अधिकृतलाई राखेका छन् । र बिहीबार बिहीबार बिहानै बाट रावलको बयान थालिएको छ ।
लामो अध्ययन अनुसन्धान गरिसके पनि अहिलेसम्म घटनाका महत्वपूर्ण ‘क्लू’ हात परिनसकेको प्रहरी स्रोतको भनाइ छ । घटनामा उनको संलग्नता आशंकामा डीएनए परीक्षणका लागि पठाइसकेको छ । तर नतिजा आइसकेकोछैन । त्यसो त काठमाडौंमा एक व्यक्ति समातेर अनुसन्धान भइरहे पनि अनुसन्धानका लागि कञ्चनपुरमा समेत विभिन्न टोली सक्रिय छ । सीआईबीका एसपी उमाप्रसाद चर्तुवेदी यतिबेला कञ्चनपुरमै छन् । त्यहाँको टोलीले केही व्यक्तिलाई नियन्त्रणमा लिएको स्रोतले बतायो ।







सम्बन्धित समाचारहरू

को आउला नेपाल वायुसेवा निगमको व्यवस्थापन चलाउन ? ग्लोबल टेन्डरको तयारी
विश्वकप फुटबलको छनोटमा नेपाल र अष्ट्रेलिया भिड्ने, खेल कुन शहरमा होला ?
गुल्मी समाज भिक्टोरियाको अध्यक्षमा गान्धी भट्टराई चयन, सकियो साधारणसभा
सिड्नीमा नेपाली हिन्दु समाज अष्ट्रेलियाको श्रीमद् भागवत सप्ताह सम्पन्न
नेपाली उत्पादनको लागि ऐतिहासिक फड्को, गोल्डस्टार जुत्ताको आधिकारिक शोरुम सिड्नीमा (with Video)
वर्षातको असर, कुलेखानी जलविद्युत आयोजना पूर्ण क्षमतामा सञ्चालन, ड्याम बचाउन नियन्त्रित निकास
मेलबर्नमा मेट्रो रेल दुई कारसँग ठोक्किएर दुर्घटना, यात्रु र ड्राईभर सुरक्षित
विश्वकप क्रिकेटको उपाधि आयोजक बेलायतलाई, न्यूजिल्याण्डसँग बराबरी भएपछि सुपर ओभरमा निर्णय
error: Content is protected !!