एनआरएनलाई लाग्यो गम्भीर आरोप, विद्यार्थी किन आक्रोशित ?


समाचार टिप्पणी

हुनत सामाजिक सञ्जालमा धेरै मनका वह पोखिन्छन् । सबै मनका बहलाई सञ्चार माध्यमले ठाउँ दिनपर्छ भन्ने हेन । तर, केही विषय भने धेरैको ध्यान आकृष्ट गर्न सक्छन् । यस्तै विषय बनेको छ यतिबेला एनआरएन अष्ट्रेलियाको भूमिका र केही विद्यार्थीको आक्रोश । सिड्नीमा रहेका एक व्यक्तिले कन्फेसन अफ नेप्लीज ईन अष्ट्रेलिया नामक पेजमा एक स्ट्याटस लेखे ।

जहाँ उनले एनआरएनलाई विद्यार्थीहरुको मृत्युको बेलामा केही सहयोग नगरेको आरोप लगाइयो । यति मात्र होइन एनआरउनलाई अष्ट्रेलियामा रहेर पीआर पइसकेकोहरुको संसथा समेत भनिएको छ । अश्लिल गाली नै गर्दै लेखिएको यो पोष्टलाई विद्यार्थीहरुले शेयर गरिरहेका छन् भने एनआरएन विरोधीहरुले मसला त पाउने नै भए । एनआरएनका अभियन्ताहरु भने यतिबेला यो एक स्वयंसेवी संस्था भएकोले यसबाट बढी अपेक्षा गर्न नसकिने बरु सबैजना हातेमालो गरेर मात्रै अघि बढ्न सकिने बताइरहेका छन् । आर्थिक रुपमा सहयोग पनि गर्नु छ । अनि यस्तो गाली आएको भनेर केही एनआरएन अभियन्ताहरु त निकै चिन्तित पनि भएका छन् ।

उनीहरु पनि सामाजिक सञ्जाल मार्फत नै आफ्ना असन्तुष्टि पोखिरहेका छन् । यसै विषयमा हामीले एनआरउनका प्रवक्ता डिला खरेललाई साध्यौं, खासमा के हो त यो पछिल्लो विवाद । प्रवक्ता खरेल भन्छन्, “सामाजिक सञ्जालमा केही व्यक्तिले अनावश्इक कुरा लेख्दैमा केही हुन्न । हामीले विद्यार्थीका लागि धेरै गरेका छौं । चर्चामा आउनका लागि, आफ्नो सक्रियता देखाउनका लागि गरेको हो भने भिन्दै कुरा । हामीले विद्यार्थीका लागि काम गरिरहेका संस्थासँग मिलेर पनि काम गरेका छौं । उनीहरुलाइ सहयोग पनि गरेका छौं । तर, यो कुरालाई नबुझेर नै एनआरएनले केही गरेन भन्ने आरोप लगाउनु तर्कसँग हैन जस्तो लाग्छ । हामी अझै पनि विद्यार्थीसहित सबै नेपालीका लागि काम गर्न चाहन्छौं । तर, हाम्रो सदासयतालाई अन्यथा रुपमा लिइदिन हुँदैन भन्ने मेरो आग्रह हो ।”

केही विश्लेषकहरुले भने यो अहिलेको प्रहारलाई आगामी चुनावसँग पनि जोडेर हेरेका छन् । उनीहरुको ठम्याईमा चुनावमा उम्मेद्वार हुनका लागि या अर्को संस्था खोलेर त्यसमा विद्यार्थीहरुलाई आकर्षित गर्नका लागि यो सबै गरिएको हो । विद्यार्थीलाई आपत पर्दा ज्यान तलमाथि हुँदा २ हजार डलरसम्म सहयोग गरेको एनआरएनको ईतिहास छ । यस्तै फन्डरेजिंग गरेर लाखौं डलर उठाईदिएको पनि उदाहरण खोज्न धेरै टाढा जान पर्दैन । तर, किन अझैं पनि किन भनिँदैछ त “फ…..फ एनआरएन” । यो भने गम्भीर चिन्ताको विषय बनेको छ । कतै एनआरएनले आफैंले गरेका कामहरु सबैमाझ लैजान नसकेको पो हो कि ?

सबैभन्दा अचम्म लाग्ने कुरा त के छ भने नेपाल फेष्टिभल जस्तो पूरै समूदाय नै एकै ठाउँमा आएर सफल बनाएको कार्यक्रम अनि नेपाली कला, संस्कृति र खाना, संगीतको प्रबद्र्धन गरेको कार्यक्रमका बारेमा समेत आक्रोश आखिर के का लागि ?







सम्बन्धित समाचारहरू

अष्ट्रेलियाको एडिलेडमा भव्य बन्यो माघे सक्रान्ती
चौबन्दी गायिका राउतलाई पक्राउ गर्न प्रहरीलाई अनुमति, अभद्र व्यवहारमा मुद्दा चल्ने !
सञ्चारकर्मी रवि लामिछाने निर्दोष भएको जिल्ला अदालत चितवनको ठहर, तीनैजनालाई सफाई
अग्नी सापकोटालाई सभामुख बनाउने नेकपाको निर्णय, उपसभामुख तुम्बाहाम्फेको राजीनामा आउने
अमेरिकी दूतावासबाट एमसीसीमा कुनै सैन्य विषय नजोडिएको स्पष्ट, कान छाम्ने कि ?
क्यामेरामा आएर रोइन आस्था राउत, कमेन्टमा उल्टै दर्शकको गाली !
प्रधानमन्त्रीको सम्पादकहरुलाई मुटु छाम्ने सुझाव दिएको भाषणमा के छ ?
काठमाडौंमा खुल्यो अष्ट्रेलियन एजुकेशन ईन्फर्मेसन सेन्टर, अष्ट्रेलिया आउनुअघि सम्पूर्ण जानकारी दिइने !
error: Content is protected !!