बाराका प्रमुख जिल्ला अधिकारीको सडक दुर्घटनाको छानविन गरिने, उपचार काठमाडौंमा


 

शनिबार राति बारा निजगढ पथलैया सडकखण्डमा भएको सवारी दुर्घटनामा परी सख्त घाइते भएका बाराका प्रजिअ गणेशप्रसाद भट्टराईलाई थप उपचारका लागि हेलिकप्टरबाट काठमाडौँ लगिएको छ ।

शहीद हिरालाल गौतम स्मृति पार्कमा कर्मचारी मिलन केन्द्र बाराले आयोजना गरेको वनभोजपछि आफन्तको बिहे भोजमा सहभागी भई सर्लाही हरिओन पुगेर निजगढ हुँदै कलैयातर्फ फर्कदा राति ८ः३० बजे प्रजिअ चढेको स्कारपियो जिप पसहाखोला नजीक ढुङ्गा लोड गरी रोकिएको ट्र्याक्टरमा पछाडिबाट ठक्कर दिँदा दुर्घटना भएको इलाका प्रहरी कार्यालय निजगढले जनाएको छ । 

सो दुर्घटनामा बाराका सशस्त्र प्रहरी उपरीक्षक बलराम पोखरेलको मृत्यु भएको थियो । उनलाई घाइते अवस्थामा उपचारका लागि सिमरास्थित अल्पलाइन अस्पतालमा लैजाँदै गर्दा प्रहरी नायब उपरीक्षक पोखरेलको बाटोमै मृत्यु भएको चिकित्सकले जनाएको छ ।

यस घटनाको सम्बन्धमा प्रहरीले अनुसन्धान सुरु गरेको छ । घटनामा दुईजना गम्भीर घाइते भएको तर चालक, अंगरक्षकहरु सामान्य घाइते मात्रै भएको देखिएका कारण यस विषयमा के भएको हो छानविन सुरु गरिएको प्रहरीले जनाएको छ । यसैबीच, काठमाडौंमा उपचारका लागि ल्याइएका प्रजिअ भट्टराईको स्वास्थ्य सुधार भएको अस्पताल श्रोतले जनाएको छ ।

गम्भीर घाइते प्रजिअ भट्टराईलाई राति नै वीरगञ्जस्थित हेल्थ केयर सेन्टरको सघन उपचार कक्षमा राखी उपचार गरिएको थियो । प्रजिअ भट्टराईको टाउकोको दाहिनेतर्फ गम्भीर चोट लागि रगत बगिरहेको र शरीरको कुनै पनि अङ्ग काम गर्ने अवस्थामा नरहेकाले आइतबार अपराह्न थप उपचारका लागि काठमाडौँ लगिएको बारा प्रहरीले जनाएको छ । सो दुर्घटनामा परी चालक जगत पटेल, प्रजिअका अङ्गरक्षक शम्भु गुरुङ, प्रहरी उपरीक्षकका अङ्गरक्षक सञ्जयकुमार यादव सामान्य घाइते भएको प्रहरीले जनाएको छ ।







सम्बन्धित समाचारहरू

को आउला नेपाल वायुसेवा निगमको व्यवस्थापन चलाउन ? ग्लोबल टेन्डरको तयारी
विश्वकप फुटबलको छनोटमा नेपाल र अष्ट्रेलिया भिड्ने, खेल कुन शहरमा होला ?
गुल्मी समाज भिक्टोरियाको अध्यक्षमा गान्धी भट्टराई चयन, सकियो साधारणसभा
सिड्नीमा नेपाली हिन्दु समाज अष्ट्रेलियाको श्रीमद् भागवत सप्ताह सम्पन्न
नेपाली उत्पादनको लागि ऐतिहासिक फड्को, गोल्डस्टार जुत्ताको आधिकारिक शोरुम सिड्नीमा (with Video)
वर्षातको असर, कुलेखानी जलविद्युत आयोजना पूर्ण क्षमतामा सञ्चालन, ड्याम बचाउन नियन्त्रित निकास
मेलबर्नमा मेट्रो रेल दुई कारसँग ठोक्किएर दुर्घटना, यात्रु र ड्राईभर सुरक्षित
विश्वकप क्रिकेटको उपाधि आयोजक बेलायतलाई, न्यूजिल्याण्डसँग बराबरी भएपछि सुपर ओभरमा निर्णय
error: Content is protected !!