अष्ट्रेलियन पीआर पाउन आफ्नै दाजु बहिनी बिहे गर्ने भारतीयको खुलासा


भारतको पञ्जाव प्रहरीले अष्ट्रेलियामा रहेको एक जोडीमाथि अनुसन्धान गरिरहेको छ । यो जोडीले यहाँको पीआर पाउनका लागि दाजुसँग आफ्नै बहिनीको बिहे गरेर यता ल्याएको खुलेको छ । यो जोडीको एक आफन्तले लेनदेनको विवादमा यस्तो आरोप लगाउँदै पञ्जाव प्रहरीमा मुद्दा दायर गरेपछि प्रहरीले थप अनुसन्धान थालेको हो । बलिनवाला पुलिस स्टेशनका ईन्सपेक्टर जयसिंहले एसवीएस हिन्दीलाई बताए अनुसार यी दुई दाजु बहिनी भएको धेरै पहिला बनाइएको प्रहरी रिपोर्टमै लेखिएको थियो । उनले भने, हामीले पाएको जानकारी अनुसार दाजु चाहीँ पहिले नै अष्ट्रेलियाको पीआर पाइसकेका व्यक्ति रहेछन् । बहिनीलाई उता लैजानका लागि यही कम्प्लेन गर्ने आफन्तको परिचय दिएर लगिएको रहेछ । सुरुमा गुरुद्वारामा बिहेको सर्टिफिकेट बनाएछन् त्यसपछि सरकारी कार्यालयमा बिहे दर्ता गरेको देखिन्छ ।

सांकेतिक Picture : https://www.masterfile.com912

उनीहरु अहिले पनि अष्ट्रेलियामा नै बसोबास गरिरहेका छन् । उनीहरुको साथमा बाबु, आमा, दाजु भाई सबै रहेका छन् । यति मात्र होइन हजुरआमा पनि साथै यहाँ अष्ट्रेलियामा बस्ने बताइएको छ । भारतीय प्रहरीले निजहरुलाई फरारको सूचिमा राखेको छ । अष्ट्रेलियामा उनीहरुको ठेगाना भने खुल्न सकेको छैन । अष्ट्रेलियाका अधिकारीहरुले विवाह सम्बन्धी कागजात सबै चेकजाँच हुने भएनि पासपोर्टको हकमा गलत परिचयका साथ बनाइएको सक्कली पासपोर्टको जिम्मेवारी सम्बन्धित देशले नै लिनुपर्ने हुन्छ । भारतमा भने प्रहरी अधिकारीहरु आफ्नै बहिनीलाई बिहे गरेर पीआर दिलाउने दाजुको चर्तिकला देखेर चकित बनेका छन् ।







सम्बन्धित समाचारहरू

को आउला नेपाल वायुसेवा निगमको व्यवस्थापन चलाउन ? ग्लोबल टेन्डरको तयारी
विश्वकप फुटबलको छनोटमा नेपाल र अष्ट्रेलिया भिड्ने, खेल कुन शहरमा होला ?
गुल्मी समाज भिक्टोरियाको अध्यक्षमा गान्धी भट्टराई चयन, सकियो साधारणसभा
सिड्नीमा नेपाली हिन्दु समाज अष्ट्रेलियाको श्रीमद् भागवत सप्ताह सम्पन्न
नेपाली उत्पादनको लागि ऐतिहासिक फड्को, गोल्डस्टार जुत्ताको आधिकारिक शोरुम सिड्नीमा (with Video)
वर्षातको असर, कुलेखानी जलविद्युत आयोजना पूर्ण क्षमतामा सञ्चालन, ड्याम बचाउन नियन्त्रित निकास
मेलबर्नमा मेट्रो रेल दुई कारसँग ठोक्किएर दुर्घटना, यात्रु र ड्राईभर सुरक्षित
विश्वकप क्रिकेटको उपाधि आयोजक बेलायतलाई, न्यूजिल्याण्डसँग बराबरी भएपछि सुपर ओभरमा निर्णय
error: Content is protected !!