किम र ट्रम्पबिच भियतनाममा भेट हुने तय, २७ र २८ तारिख दोश्रो छलफल


 

अमेरिकी राष्ट्रपति डोनाल्ड ट्रम्प र उत्तर कोरियाका नेता किम जोङ उनबीचको दोस्रो शिखर बैठक यही फेब्रुअरी २७ र २८ तारिखमा हुने भएको छ ।

भियतनामको हनोइमा किमलाई भेट्ने मिति तय भएको बारेमा ट्रम्पले शुक्रबार जानकारी दिनुभएको हो ।

“मेरा प्रतिनिधि भर्खरै मात्र महत्वपूर्ण उपलब्धिका साथ उत्तर कोरियाबाट स्वदेश फर्किदै छन्, उनीहरुले दोस्रो शिखर बैठकको स्थान र मितिको टुङ्गो लगाएका छन्,” ट्रम्पले ट्वीटरमा लेख्नुभएको छ ।

उत्तर कोरियाका लागि आफ्ना विषेश प्रतिनिधि स्टेफान बिएगनलाई उद्धृत गर्दै उहाँले दोस्रो शिखर बैठक भियतनामको हनोइमा यही फेब्रुअरी २७ र २८ तारिखमा हुने जानकारी सामाजिक सञ्जालमार्फत् दिनु भएको हो ।

उहाँले अर्को ट्वीटमा लेख्नु भएको छ, “नेता किम जोङ् उनको नेतृत्वमा उत्तर कोरिया आर्थिक शक्तिराष्ट्र बन्ने छ ।”

ट्रम्पले किम कति क्षमतावान हुनुहुन्छ भन्ने बारेमा आफूले राम्रोसँग थाहा पाएको बताउनु भएको छ । 

लामो समयदेखि एक अर्कालाई कठोर शत्रुका रुपमा हेर्दै आएका उत्तर कोरिया, संयुक्तराज्य अमेरिकाबीचको सम्बन्धमा गत वर्षबाट सुधार भएको हो । अमेरिकी राष्ट्रपति ट्रम्प र उत्तर कोरियाली नेता उनबीच यसअघि गत जुनमा सिंगापुरमा पहिलो शिखर बैठक भएको थियो ।

गत मङ्गलबार संसदलाई सम्बोधन गर्दा पनि राष्ट्रपति ट्रम्पले पहिलो शिखर बैठकपछिका उपलब्धिका बारेमा धेरै चर्चा गर्नु भएको थियो । उहाँले भन्नुभयो, “हाम्रा बन्दी घर फर्किएका छन्, परमाणु परीक्षण रोकिएका छन्, गएको पन्ध्र महिनामा एउटा पनि क्षेप्यास्त्र प्रहार भएको छैन र यो ठूलो उपलब्धि हो ।”

उहाँले यदि आफू अमेरिकाको राष्ट्रपतिमा निर्वाचित नभएको भए, अहिले अमेरिका र उत्तर कोरियाका बीचमा ठूलो युद्ध हुने दाबी गर्नु भएको थियो ।







सम्बन्धित समाचारहरू

पेरुका पूर्व राष्ट्रपतिको आत्महत्या प्रकरण, ३ करोड डलर घुसको आरोप लागेको थियो
टिकटक बनाउँदा बनाउँदै गयो ज्यान भारतको दिल्लीमा यो अनौठो घटना !
सही मनोबृत्ति लिएमा अमेरिकासँग जतिनै चरणको वार्ता गर्न पनि तयार रहेको उनको भनाई
ब्ल्याक होलको पहिलो तस्वीर सार्वजनिक
भारतमा आजबाट चुनाव, ९० करोड मतदाताले दिँदैछन् आफ्नो फैसला
ईरानको सेनालाई आतंककारी संगठन घोषित गर्ने अमेरिकी निर्णय
बोइङले अनुसन्धान पूरा नभएसम्म ७३७ म्याक्सको उत्पादन घटाउने
कानून उल्लङ्घन गरेको भन्दै कङ्ग्रेससम्वद्ध ६८७ फेसबुक पेज हटाइयो
error: Content is protected !!