घरेलु मैदानमा सिड्नी सिक्सर्सलाई पछार्दै मेलबर्न स्टार पुग्यो सेमिफाईनल, सन्दिपले लिए तीन विकेट


अष्ट्रेलियामा जारी विगबास लिग चरणको अन्तिम खेलमा सिड्नी सिक्सर्सलाई आफ्नै घरेलु मैदानमा विशाल अन्तरले पराजित गर्दै मेलबर्न स्टार्स सेमिफाईनलमा प्रवेश गरेको छ । नेपाली लेग स्पीनर सन्दिप लामिछानेको ३ विकेटको साथ ९४ अन्तरले सिक्सर्सलाई पराजित गर्दै स्टारले आफ्नो अघिल्लो खेल सुरक्षित बनाएको हो । 

सुरुमा व्याटिंग गरेको मेलबर्न स्टारले १ सय ६९ रनको लक्ष्य दिएको थियो । २० ओभरमा ६ विकेटको क्षतिमा स्टारले १ सय ६८ रन बनाएको थियो । स्टारका लागि क्याप्टेन ग्लेन म्याकवेलले ४३ बलमा ८२ रन बनाउन सफल भए । त्यस्तै पेटर ह्यान्डस्कम ३५ रन, मार्कस स्टोनिस ३४ रन जुटाउन सफल भए । सन्दिपले यसअघि ब्रिसबेनमा भएको खेलमा कुनै विकेट लिन नसकेपनि मेलबर्न भने उनका लागि फापेको छ । मेलबर्नमा नेपाली समूदायका सदस्यहरु ठूलो संख्यामा मेलबर्न क्रिकेट ग्राउन्डमा उपस्थित भएका थिए ।

एउटा मेलाको जस्तो वातावरण स्टेडियममा बनेको एनआरएन अष्ट्रेलियाका उपाध्यक्ष एवं भिक्टोरिया संयोजक केशव कँडेलले बताए । बाजागाजासहित उपस्थित भएका दर्शकहरुले सन्दिपका लागि हुटिंग गरिरहँदा उनी आफ्नो नवौं, दशौं र एघारौं विकेट जोडिरहेका थिए । अन्तिम विकेट लिने क्रममा सन्दिपको बलिंग हेर्न लायक थियो । मेलबर्न स्टारले लिगको शीर्ष स्थानमा रहेको होबार्ट हुरिकेनसँग आगामी फेब्रुअरी १४ का दिन खेल्नेछ । अर्को सेमिफाईनलको खेल १५ फेब्रुअरीमा हुनेछ ।







सम्बन्धित समाचारहरू

मेलबर्नको ला ट्रोव युनिभर्सिटीमा नेपाली नयाँ वर्ष र बुद्ध जयन्ती यसरी मनाइयो !
पेरुका पूर्व राष्ट्रपतिको आत्महत्या प्रकरण, ३ करोड डलर घुसको आरोप लागेको थियो
‘आईलभ यू भन्न मन लाग्यो’ गीतका लेखक दिनेश थपलिया बने प्रमुख निर्वाचन आयुक्त
वरिष्ठ पत्रकार पुष्करलाल श्रेष्ठको निधन, श्रद्धाञ्जलीका लागि पार्थिव शरीर निवासमा राखिने
सर्वोच्चको निर्णय पश्चात एक साताभित्रै करिब चालिस अर्ब कर तिर्न एनसेललाई ताकेता
जन्मसिद्धका सन्तानलाई वंशजको नागरिकता दिने कामको लागि सर्वोच्चको ग्रिन सिग्नल
राष्ट्रिय खेलकुदमा एनआरएन खेलाडीको पहिलो स्वर्ण, अष्ट्रेलियन नेपाली बज्राचार्यले दिलाए उपाधि
गरिबको विद्यालय समता स्कूलले कसरी राख्यो वल्र्ड रेकर्ड !
error: Content is protected !!