आफ्नै साथीको नाम दुरुपयोग गर्दै साइबर क्राइम गर्ने किशोरी पक्राउ


साइबर क्राइमको आरोपमा डोटीमा एक किशोरी पक्राउ परेकी छन् । सामाजिक सञ्जालबाट आफ्नै विद्यालयमा अध्ययन गर्ने साथीको तस्बीरको प्रयोग गर्दै अन्य व्यक्तिसँग अश्लील कुरा गर्ने र अश्लील काम गर्छु भन्दै अश्लील कुरा सामाजिक सञ्जालमार्फत गर्ने गरेको भन्दै उनका नाममा पीडित महिलाले अपराध महाशाखा काठमाडौँमा मुद्दा हालेकी थिइन् ।

पीडित किशोरीको निवेदनका आधारमा आरोपित किशोरीलाई पक्राउ गरिएको जिल्ला प्रहरी कार्यालयका प्रवक्ता तथा प्रहरी नायब उपरीक्षक लालबहादुर धामीले बताउनुभयो । 

घटनाको संवेदनशीलतालाई मध्यनजर गरी आरोपी र पीडितको नाम गोप्य राखिएको जिल्ला प्रहरी कार्यालय डोटीले जनाएको छ ।

आरोपीलाई थप अनुसन्धानका लागि अपराध महाशाखा काठमाडाँै हनुमान ढोका पठाउने तयारी भइरहेको प्रवक्ता तथा प्रहरी नायब उपरीक्षक धामीले बताउनुभयो ।

जबर्जस्ती करणी गर्न खोजेको आरोपमा पक्राउ

डोटी जिल्लाको जोरायल गाउँपालिका–४ घाड भन्ने गाउँका ‘हिरे’ भनेर चिनिने ४८ वर्षीय खड्कबहादुर मगरलाई प्रहरीले पक्राउ गरेको छ ।

उनले १५ वर्षीया एक किशोरीलाई जबर्जस्ती करणी गर्न खोजेकोे आरोपमा प्रहरीले पक्राउ गरेको हो । घरमा एक्लै भएको मौका छोपी सोमबार राति करीब १० बजेको समयमा जबर्जस्ती करणी गर्न खोजेको पीडित पक्षले इलाका प्रहरी कार्यालय जोरायलमा जाहेरी दिएपछि प्रहरीले उनलाई आज पक्राउ गरेको हो । पक्राउ परेका मगर र पीडित किशोरीलाई जिल्ला प्रहरी कार्यालय डोटीमा ल्याइएको छ ।

पीडित बालिकाको बयानका आधारमा उनको घरमा सुत्ने ठाउँ नजिकै सानो झ्याल भएको र सोही झ्यालबाट आफ्नो संवेदनशील अङ्गमा हात हालेको बताएको जिल्ला प्रहरी कार्यालय डोटीका प्रहरी प्रवक्ता तथा प्रहरी नायब उपरीक्षक लालबहादुर धाँमीले बताउनुभयो ।

यस विषयमा आरोपित खड्कबहादुर मगरले आफ्नो घरमा फिरन्ते व्यापारी चार जना जुम्ली आएको र उनीहरुले लोकल कुखुरा खाने भनेपछि उनलाई ब्युँझाउन झ्यालबाट हात हालेको बताएको प्रहरी प्रवक्ता तथा धाँमीले जानकारी दिनुभयो । घटनाबारे आवश्यक अनुसन्धान भइरहेको र अनुसन्धानपछि आरोप प्रमाणित भए मुद्दा चलाइने डोटी प्रहरीले जनाएको छ ।







सम्बन्धित समाचारहरू

मेलबर्नको फलफुल र तरकारी पसलमा कामदारलाई कम तलब दिएपछि लाखौं जरिवाना
खुट्टामा हानेको गोली सिधै लागेपछि विप्लवका सर्लाही ईन्चार्जको गोली लागी मृत्यु
अध्यारो रातमा, मोटरसाईकलमा आएकाहरुको युवतीमाथि सिरिन्ज आक्रमण, अनुसन्धान हुँदै
घुस खाएर त्रिभुवन विश्वविद्यालयको गोल्ड मेडल दिलाइदिने कर्माचार्य पक्राउ
ज्यान मार्ने उद्योगमा तरुण दलका जिल्ला उपाध्यक्ष राधे पक्राउ
पूर्वमन्त्रीका छोरा एवं टेलिभिजनका पूर्वसञ्चालक युनुस अन्सारी करिब ८ करोड नक्कली भारुसहित पक्राउ !
प्रधानमन्त्री ओलीका सहयोगीलाई अपराधी छुटाएको बात लगाएपछि सचिवालयको आपत्ति
तीन युवतीलाई बेच्न भारत लैजान खोज्ने तीन भारतीय युवक पक्राउ
error: Content is protected !!