युट्युब हेरेर नक्कली नोट छाप्ने हेटौंडाका दुई पोखरामा पक्राउ


जिल्ला प्रहरी कार्यालय कास्कीले नक्कली नोट छाप्ने दुई जनालाई पक्राउ गरेको छ । वडा प्रहरी कार्यालय बगरको टोलीले हेटौँडा नगरपालिका– ९ का ३३ वर्षीय प्रेमबहादुर तामाङ र सोही नगरपालिका– १ की २५ वर्षीया सरस्वती बलामीलाई सोमबार पक्राउ गरेको हो ।

उनीहरुलाई पोखरा महानगरपालिका वडा नं ५ पस्र्याङस्थित डेराबाट नक्कली नोट छाप्दाछाप्दै पक्राउ गरिएको कास्की प्रहरी प्रवक्ता प्रहरी उपरीक्षक रवीन्द्रमान गुरुङ जानकारी दिनुभयो । 

पोखरा– १६ अर्मलास्थित गुरुङ किराना पसलमा एक हजारको नोट दिएर रु १०० को एनसेलको रिचार्ज कार्ड खरीद गरेका र पछि नक्कली नोट भएको थाहा पाएपछि प्रहरीलाई दिएको सूचनाका आधारमा उनीहरुलाई तत्काल पक्राउ गरिएको उहाँले जानकारी दिनुभयो ।

ग१४प २५४ नंको मोटरसाइकल प्रयोग गरेर विशेष गरी महिला तथा बालबालिका भएको पसलमा नक्कली नोट दिने गरेको बताउँदै उहाँले उनीहरुले पोखराको विभिन्न २०० स्थानमा नोट साँटेको जानकारी दिनुभयो ।

प्रहरीका अनुसार उनीहरुको कोठाबाट ल्यापटप र कलर प्रिन्टर एक/एक थानसहित एक हजार दरका १९ थान नक्कली नोट र रु एक लाख २८ हजार ४३० नेपाली रुपैयाँ र एक हजार भारतीय रुपैयाँलगायत अन्य सामग्री फेला परेको छ । पक्राउ परेका दुबैजनाले युट्युबमा हेरेर नोट छाप्ने तरिका थाहा पाएको र रंगीन प्रिन्टर ल्याएर नोट छपाई गरेको बताएका छन् ।







सम्बन्धित समाचारहरू

विमानस्थलमा अर्को तीन किलो सुन काण्ड, मलद्वारमा लुकाएर सुन ल्याउने चिनियाँ पक्राउ
चितवनमा एकै परिवारका तीनजनाको आत्महत्या, प्रहरीलाई नै चकित तुल्याउने सुसाईड नोट
विप्लव समूहमा खैलाबैला जारी, ताम्सालिङ स्वायत्त प्रदेशका उपप्रमुख प्रेमबहादुर श्रेष्ठले गरे आत्मसमर्पण
थाईल्याण्डमा बसी विभिन्न देशमा मानव तस्करी गर्ने झापाका पर्शुराम गुरुङ पक्राउ, गैरकानूनी बसोबास खुल्यो
अज्ञात समूहबाट भारतीय नागरिक फिरोज खानको बुटवलमा गोली हानी हत्या
शिवश्री जलविद्युतमा सिलिन्डर पड्कियो, चार जनाको मृत्यु, थप विवरण आउँदै
खोला किनारामा किशोरीको सामूहिक बलात्कार गर्ने तीनजना पक्राउ
पोखरामा युट्युब काण्ड : बिरामी परेकी किशोरीलाई रक्सीले मातेको भनेपछि पोखरामा हंगामा !
error: Content is protected !!