नेपाली सेनाको अत्याधुनिक एम १६ राईफलसहित धरानबाट एकजना पक्राउ


एम १६ राईफल अमेरिकामा बनेको हतियार हो । यो राईफल नेपाली सेनाका पनि केही टुकडीसँग मात्रै छ । भैरवनाथ गण र भीभीआईपीको सुरषामा खटिने नेपाली सेनाका उच्चस्तरका जवानहरुलाई मात्रै एम १६ राईफल दिने गरिएको छ । नेपालमा धेरै लामो सशस्त्र द्वन्द्व भयो । एक दशक चलेको यो द्वन्द्वको पछिल्लो समयतिर अमेरिकाबाट यी हतियार खरिद गरिएका थिए ।

लिम्बुको साथबाट बरामद भएको एम १६ राईफल Photo – supplied

एम १६ राईफल विप्लव नेतृत्वको माओवादीका एक कार्यकर्तासँग भेटिएपछि यतिबेला नेपाली सेनाले छानविन थालेको छ । द्वन्द्वको बेला नै हराएको हतियारमध्येको यो हो वा अहिले नै कसैले दुरुपयोग गरेर यो बाहिर आएको हो भन्ने विषयमा नेपाली सेनाले छानविन अगाडि बढाएको छ ।
बुधबार धरान उपमहानगरपालिका–६ पानबारी चोक्टीबाट नेपाली सेनाले बोक्ने २ थान स्वचालित हतियारसहित विप्लव नेतृत्वको नेकपाका एकजना कार्यकर्ता पक्राउ परेका थिए ।
मोरङ केराबारी गाउँपालिका–१० बाहुनी बस्ने ४२ वर्षीय संगित भनेर समेत चिनिने देवकुमार लिम्बु अमेरिकामा बनेको अत्याधुनिक एसएमजी मेसिनगन र सेनाले मात्र प्रयोग गर्दै आएको एम १६ राईफलसहित पक्राउ परेका हुन्।
विशेष सूचनाको आधारमा प्रहरी चौकी पानबारी सुनसरीबाट खटिएको प्रहरी टोलीले विभिन्न नाकामा चेकप्वाईन्ट खडा गरि चेकजाँच तथा खानतलासी गर्ने क्रममा उनी पक्राउ परेका थिए ।

सशस्त्र द्वन्द्वमा लिम्बु जनमुक्ति सेनाका कम्पनी कमाण्डर थिए। नेपाली सेनासँग केही समिति मात्रामा रहेको अमेरिकामा निर्मित हतियार विप्लवका कार्यकर्तासँग पहिलो पटक फेला परेको हो। लिम्बु विप्लव नेकपाको पूर्वी ब्युरोका सदस्य हुन्। मोटरसाईकलमा चामलको बोराभित्र पलाईको बाकस र सो बाकसभित्र कपडाको तन्नाले बेरी लुकाई राखेको अवस्थामा हतियार बरामद भएको थियो ।

कस्तो हो एम १६ राईफल ?

अमेरिकामा बनेको एम–१६ राइफल अधिकतम ३ हजार ६ सय मिटर टाढासम्म प्रहार गर्न सकिने छ । एम–१६ राइफल ५५० मिटरसम्म प्रभावकारी र ८ सय मिटर पर सम्म टार्गेट गर्न सकिने छ । एम–१६ राइफल भियतनाम, लाओस, कम्बोडिया, श्रीलंका, सोमालिया, इराक, लाइवेरिया, प्रजातान्त्रिक गणतन्त्र कंगो लगायत मुलुकको आन्तरिक गृहयुद्ध तथ बाह्य आक्रमणका बेला राष्ट्रिय सेना र विद्रोही समूहले समेत प्रयोग गरिरहेको बताइन्छ । एउटा एम–१६ राइफलको मूल्य १ हजार ५ सयदेखि ३ हजार अमेरिकी डलरसम्म पर्छ । 







सम्बन्धित समाचारहरू

को आउला नेपाल वायुसेवा निगमको व्यवस्थापन चलाउन ? ग्लोबल टेन्डरको तयारी
विश्वकप फुटबलको छनोटमा नेपाल र अष्ट्रेलिया भिड्ने, खेल कुन शहरमा होला ?
गुल्मी समाज भिक्टोरियाको अध्यक्षमा गान्धी भट्टराई चयन, सकियो साधारणसभा
सिड्नीमा नेपाली हिन्दु समाज अष्ट्रेलियाको श्रीमद् भागवत सप्ताह सम्पन्न
नेपाली उत्पादनको लागि ऐतिहासिक फड्को, गोल्डस्टार जुत्ताको आधिकारिक शोरुम सिड्नीमा (with Video)
वर्षातको असर, कुलेखानी जलविद्युत आयोजना पूर्ण क्षमतामा सञ्चालन, ड्याम बचाउन नियन्त्रित निकास
मेलबर्नमा मेट्रो रेल दुई कारसँग ठोक्किएर दुर्घटना, यात्रु र ड्राईभर सुरक्षित
विश्वकप क्रिकेटको उपाधि आयोजक बेलायतलाई, न्यूजिल्याण्डसँग बराबरी भएपछि सुपर ओभरमा निर्णय
error: Content is protected !!