कमल थापाले भने, सरकार र राउतबीचको सहमति स्वागतयोग्य तर केही कुरा स्पष्ट पार्नुपर्छ


राष्ट्रिय प्रजातन्त्र पार्टी राप्रपाका अध्यक्ष कमल थापाले सैद्धान्तिक रुपमै मुलुकको राष्ट्रिय अखण्डता स्वीकार गरेर आउने जो कोहीलाई पनि स्वागत गर्नुपर्ने बताउनुभएको छ । राप्रपाको मेची–महाकाली राष्ट्रिय स्वाभिमान यात्राका क्रममा आज यहाँ आयोजना गरिएको पत्रकार सम्मेलनमा अध्यक्ष थापाले भन्नुभयो, “सरकार र सिके राउतबीच भएको सहमति स्वागतयोग्य छ । सहमतिमा भएका कतिपय अस्पष्टतालाई सरकारले प्रष्ट पार्नुपर्छ ।’’ 

नेत्र विक्रम चन्दले नेतृत्व गरेको माओवादीको हिंसात्मक गतिविधितर्पm इङ्गित गर्दै अध्यक्ष थापाले भन्नुभयो, “दमनको नीतिले समाधानमा पुग्न सकिदैन् । सरकार यस विषयमा गम्भीर हुनैपर्छ ।” एक प्रश्नको जवाफमा उहाँले प्रधानमन्त्री केपी शर्मा ओली सबल र सक्षम नेतृत्वकर्ता भए पनि सरकारको मार्गचित्र स्पष्ट नभएकाले जनतामा अन्योलताको अवस्था देखिएको बताउनुभयो ।

उहाँले आप्mनो दलको मेची–महाकाली राष्ट्रिय स्वाभिमान यात्रा कुनै दल विशेषको विरोधमा नभई राष्ट्रिय अखण्डता, स्वतन्त्रता, हिन्दूत्वको रक्षाका लागि भएको बताउनुभयो । आइतबार नेपालगञ्ज पुगेको स्वाभिमान यात्रा आज दाङका लागि प्रस्थान गरेको छ । चैत १ गते काठमाडौँको भृकुटीमण्डपमा आमसभाको आयोजना गरी यात्राको समापन गरिने बताइएको छ ।







सम्बन्धित समाचारहरू

नेकपाका दुई अध्यक्षबीचको असहमति हट्यो, महाधिवेशनअघि कुनै प्रतिस्पर्धा नहुने
रविन्द्र अधिकारी सवार हेलिकोप्टर दुर्घटना प्रतिवेदन सार्वजनिक, खराब मौसम नै दोषी
प्रधानमन्त्रीको निर्देशनपछि रेशम चौधरीको नेल खोलियो, बाँध्नेलाई कारवाही हुने
गुठी विधेयकले निजी गुठीलाई समाप्त पार्ने दाबी
प्रधानमन्त्री युरोप जाने भएपछि नेकपाको सचिवालय बैठक स्थगित, गृहकार्य नपुगेको बहाना
तत्काल सरकार परिवर्तन नहुने प्रविधिमन्त्री बाँस्कोटाको दावी, हल्लका पछि नलाग्न आग्रह
प्रधानमन्त्रीलाई कोरियालीले थमाए राजनीतिशास्त्रको पीएचडी उपाधि !
जगन्नाथ शर्मा बने बेलायतमा दोश्रो नेपाली मूलको मेयर, दुई तिहाइ मत प्राप्त
error: Content is protected !!