बलात्कारपछि हत्या गरिएकाहरुमा बढी दलित बालबालिका तथा युवती !


बलात्कारपछि हत्या हुनेमा सबैभन्दा बढी दलित बालबालिका तथा युवतीको सङ्ख्या देखिएको छ । दलित महिला सङ्घले गरेको बलात्कारका घटनाको अध्ययनअनुसार गत वैशाखदेखि माघसम्म ७२९ घटनामध्ये १५४ घटनाहरु दलित समुदायका बालबालिका तथा युवतीमाथि भएका छन् । दलितमाथि हुने गरेका बलात्कारका घटनाको झण्डै ८० प्रतिशत बलात्कारपछि मारिएको छ ।

सङ्घले १०९औँ अन्तर्राष्ट्रिय नारी दिवस ८ मार्चको सन्दर्भमा यहाँ सोमबार आयोजना गरेको अन्तरक्रियामा सार्वजनिक गरिएको अध्ययन प्रतिवेदनअनुसार २१ प्रतिशत दलित युवती तथा बालिका बलात्कृत भएका छन् । कूल जनसङ्ख्याको १३ प्रतिशत जनसङ्ख्या दलित समुदायको छ, जसमा आधा सङ्ख्या महिलाको छ । अन्य जातजातिको करीब जनसङ्ख्याको अनुपात बराबर बलात्कारका घटना भएका छन् भने दलितको हकमा भने जनसङ्ख्याको दोब्बर प्रतिशत रहेको देखिन्छ ।

प्रतिनिधिसभाका सांसद अञ्जना विशङ्खेले दलित समुदायका युवतीलाई जे गरे पनि हुन्छ भन्ने मानसिकताले पनि दलित युवतीमाथि बलात्कारका घटना बढेको जिकिर गर्नुभयो । नेपाल प्रहरी महिला तथा बालबालिका सेलका अनुसार महिलामाथि घरेलु हिंसा बढिरहेको र सन् २०१८ को सर्वेक्षणअनुसार ३७ प्रतिशतले घटना बढेको छ ।

अधिवक्ता मीरा ढुङ्गानाले महिलामाथि हुने हिंसाका घटनाको न्यूनीकरणका लागि ऐनको प्रभावकारी कार्यान्वयन गर्नुपर्नेमा जोड दिनुभयो । दलित महिला सङ्घकी पूर्वअध्यक्ष दुर्गा सोवले न्यायमा विभेद छ भन्दै दलित तथा कमजोर वर्गले सहजै न्याय पाउने अवस्था नरहेको बताउनुभयो ।







सम्बन्धित समाचारहरू

मेलबर्नको फलफुल र तरकारी पसलमा कामदारलाई कम तलब दिएपछि लाखौं जरिवाना
खुट्टामा हानेको गोली सिधै लागेपछि विप्लवका सर्लाही ईन्चार्जको गोली लागी मृत्यु
अध्यारो रातमा, मोटरसाईकलमा आएकाहरुको युवतीमाथि सिरिन्ज आक्रमण, अनुसन्धान हुँदै
घुस खाएर त्रिभुवन विश्वविद्यालयको गोल्ड मेडल दिलाइदिने कर्माचार्य पक्राउ
ज्यान मार्ने उद्योगमा तरुण दलका जिल्ला उपाध्यक्ष राधे पक्राउ
पूर्वमन्त्रीका छोरा एवं टेलिभिजनका पूर्वसञ्चालक युनुस अन्सारी करिब ८ करोड नक्कली भारुसहित पक्राउ !
प्रधानमन्त्री ओलीका सहयोगीलाई अपराधी छुटाएको बात लगाएपछि सचिवालयको आपत्ति
तीन युवतीलाई बेच्न भारत लैजान खोज्ने तीन भारतीय युवक पक्राउ
error: Content is protected !!