विप्लब माओवादीलाई प्रतिबन्ध लगाउने सरकारको तयारी, सबै गतिविधि रोक्ने निर्णय


सरकारले नेकपा विप्लवलाई प्रतिबन्ध लगाउने भएको छ । मन्त्रिपरिषद्को बैठकबाट नेकपा विप्लवका सबै गतिविधिलाई गैरकानूनी ठहर गर्दै उनीहरुलाई पक्राउ गर्नका लागि आदेश जारी गर्न लागिएको हो । मंगलबार साँझ बसेको मन्त्रिपरिषद्को बैठकले विप्लव समूहलाई आपराधिक संगठन भएको ठहर गर्दै प्रतिबन्ध लगाउन लागेको हो ।  

नेकपाको विप्लव समूहले एनसेलले धेरै नाफा गरेको र कर नतिरेको पत्ता पाएपछि डेढ अर्ब रुपैयाँ चन्दा मागेका थिए । डेढ अर्ब चन्दा मिलेको अवस्थामा उनीहरुको शक्ति कतिधेरै बढ्न सक्थ्यो भन्ने आंकलनका साथ यस किसिमका गतिविधिलाई स्वीकार नगरिने सरकारले तयारी गरेको हो । यसपछि वैदेशिक रोजगारी संघका अध्यक्षको घरमा पड्काएको बमले पनि उनीहरु परिवर्तन र क्रान्ति भन्दा पनि पैसा प्राप्त हुने ठाउँमा आक्रमण गर्ने र धम्काउने काममा लागेको ठहर सरकारको छ । विप्लव समूहले आपराधिक कृयाकलाप गरेको, विकासका पूर्वाधारमाथि बम विस्फोट गराउने र व्यक्तिको शान्ति सुरक्षामथि आक्रमण गर्ने कार्य गरेको सरकारको ठहर छ । दाता र विदेशी लगानीकर्ताहरुको दबाबका कारण सरकारले विप्लवका गतिविधिलाई अवैध ठहर गर्दै प्रतिबन्ध लगाउने निर्णय गरेको हो । नेपालमा लगानी ल्याउनका लागि सम्मेलन गर्ने तयारीमा रहेको सरकारलाई असफल बनाउन एनसेल लगायतका ठाउँहरुमा हिंसात्मक घटना गराई नेपाललाई सधैं अस्थीर बनाउने कुनै तत्वहरुको खेलमा विप्लव सामेल बनेको सरकारी टोलीको ठहर छ । गृहमन्त्री रामबहादुर थापाले लगेको प्रस्तावमा छलफलपछि सहमति जुटेको हो । सरकारले विदेशी लगानी ल्याउन सके मात्र देशको विकासले फड्को मार्ने ठहर गरिरहेको बेला विदेशी लगानीकर्ताहरुलाई नै तर्साउने नियतका साथ विप्लवका गतिविधि भएको पनि बैठकमा कुरा उठेको थियो ।







सम्बन्धित समाचारहरू

को आउला नेपाल वायुसेवा निगमको व्यवस्थापन चलाउन ? ग्लोबल टेन्डरको तयारी
विश्वकप फुटबलको छनोटमा नेपाल र अष्ट्रेलिया भिड्ने, खेल कुन शहरमा होला ?
गुल्मी समाज भिक्टोरियाको अध्यक्षमा गान्धी भट्टराई चयन, सकियो साधारणसभा
सिड्नीमा नेपाली हिन्दु समाज अष्ट्रेलियाको श्रीमद् भागवत सप्ताह सम्पन्न
नेपाली उत्पादनको लागि ऐतिहासिक फड्को, गोल्डस्टार जुत्ताको आधिकारिक शोरुम सिड्नीमा (with Video)
वर्षातको असर, कुलेखानी जलविद्युत आयोजना पूर्ण क्षमतामा सञ्चालन, ड्याम बचाउन नियन्त्रित निकास
मेलबर्नमा मेट्रो रेल दुई कारसँग ठोक्किएर दुर्घटना, यात्रु र ड्राईभर सुरक्षित
विश्वकप क्रिकेटको उपाधि आयोजक बेलायतलाई, न्यूजिल्याण्डसँग बराबरी भएपछि सुपर ओभरमा निर्णय
error: Content is protected !!