‘आईलभ यू भन्न मन लाग्यो’ गीतका लेखक दिनेश थपलिया बने प्रमुख निर्वाचन आयुक्त


धेरैलाई थाहा नहुन सक्छ । प्रमुख निर्वाचन आयुक्तमा सर्वसम्मतिले सिफारिश गरिएका दिनेश थपलिया गीतकार पनि हुन् । उनी सरकारी सेवामा जुन तहमा पुगेका छन् त्यसभन्दा कम छैन उनको सांगीतिक करिअर । पछिल्लो समय रिलिज गरिएको अनि ईन्दिरा जोशी र सरोज ओलीले गाएको आई लभ यू भन्न मन लाग्यो बोलको गीत दुई करोड पचास लाखभन्दा बढी पढक हेरिसकिएको छ । यो गीत युट्युमा यति चर्चित छ भने उनका अन्य गीत पनि कम छैनन् । तीन वटाभन्दा बढी एल्बम नै निकालिसकेका लेखक दिनेश थपलियाले लेखेको माछीले खाने खोलीको लेउ बोलको गीतमा सरोज ओली र मेलिना कार्कीको स्वर सुन्न सकिन्छ । यो गीतले तीन करोड ६० लाख भन्दा बढी भ्यू बटुलेको छ । यिनै चर्चित गीतकार थपलियाले बुधबार प्रमुख निर्वाचन आयुक्तमा सिफारिस हुने बित्तिकै भने अबको तीन महिनाभित्र उपचुनाव ।

संसदीय सुनुवाई विशेष समितिमा उपस्थित थपलियाले आफू नियुक्त भएमा उपचुनाव प्राथमिकतामा पर्ने बताएका हुन् ।
समितिमा थपलियाले स्थानीय तहसम्म निर्वाचन आयोगलाई पु¥याउने कार्ययोजना समेत पेश गरेका थिए ।

उनले निर्वाचन कम खर्चिलो बनाउने, सूचना प्रविधिमैत्री बनाउने, विद्युतीय मतदानको व्यवस्था मिलाउने लगायतको प्रतिवद्धता पनि जनाए ।यसअघि समितिले थपलियाविरुद्ध उजुरी दिनेहरुलाई बिहान ११ बजे छलफलका लागि बोलाएको थियो ।







सम्बन्धित समाचारहरू

नेपाली सेनाले भोलि चीनबाट २८ टन स्वास्थ्य सामग्री ल्याउँदै
कोरोनाका कारण लाउन्ड्रीमा काम गर्ने सिड्नीका सयजनाभन्दा बढी नेपालीले काम गुमाए !
संविधान संशोधनको विषयमा काँग्रेसले माग्यो छलफलका लागि थप समय
गौरीफन्टा नाकाबाट एकैदिन ५०१३ नेपाली भित्रिए : आधा क्वारेन्टाइनमा, आधा गाउँघरमा
चीनको राष्ट्रिय मिडियाले अष्ट्रेलियालाई अमेरिकाको पिछलग्गु भनेपछि बबाल !
नेपालमा थप ७ जनामा कोरोना संक्रमण,संक्रमितको संख्या ६८२,मृत्यु हुनेको संख्या ४ पुग्यो
वीरगञ्जको नेशनल मेडिकल कलेजमा मृत्यु भइ अन्त्येष्टि गरिसकेका व्यक्तिमा कोरोना संक्रमण पुष्टि
थप ७२ जनामा कोरोना पुष्टि, संक्रमितको संख्या ६७५ पुग्यो
error: Content is protected !!