विश्वकप फुटबलको छनोटमा नेपाल र अष्ट्रेलिया भिड्ने, खेल कुन शहरमा होला ?


नेपालको विश्वकप फुटबलमा सहभागी हुने सपना पुरानै हो । तर, यो संयोग जुरेको छैन । तर, यस पटकको छनोट खेलमा भने एशियन पूर्वच्याम्पियन अष्ट्रेलिया र नेपाल एकै समूहमा परेपछि अष्ट्रेलियामा बसोबास गर्ने नेपालीहरुको लागि भने यो साँच्चै सुखद खबर बन्न पुगेको छ । यतिबेला अष्ट्रेलियामा एक लाखभन्दा बढी नेपाली छन् । नेपालीहरुको सबैभन्दा मनपर्ने खेल नै फुटबल हो । र, अष्ट्रेलियामा छनोट चरणको अष्ट्रेलियासँगको एक खेल हुनेछ । साथै, अष्ट्रेलियाको टिम नेपाली टोलीसँग खेल्न काठमाडौं पनि जानेछ । यी दुबै घटनाले यहाँको नेपाली समूदायलाई तरंगित बनाएको हो । बुधबार एस्फसीले सार्वजनिक गरेको खेलतालिकामा नेपाल र अष्ट्रेलियासँगै जोर्डन, चाईनिज ताईपेई र कुवेत परेका छन् । दोश्रो चरणमा पुगेको नेपालसहित ४० टिमलाई ८ समूहमा विभाजन गरेर प्रत्येकमा ५ टिमलाई राखिएको छ । यो प्रतिस्पर्धा एक महिनापछि नै सुरु हुँदैछ । यी पाँच टिमले होम र अवेका आधारमा एक वर्षको अन्तरमा आठ वटा खेल खेल्नेछन् । नेपाल र अष्ट्रेलियाबीच यसअघि फुटबल भिडन्त भएको थिएन । ताईपेइ र कवेतसँग भने नेपालले मैत्री खेल खेलेको छ । जोर्डनसँग नेपालले सन् २०१४ मा छनोट खेल खेल्दा ९ गोल खाएको थियो भने काठमाडौंमा भएको खेलमा बराबरी गरेको थियो । यस पटकको अष्ट्रेलियासँगको खेल कुन शहरमा आयोजना होला ? यतिबेला चासो बढेको छ ।







सम्बन्धित समाचारहरू

धनुषाको कुर्थादेखि भारतको जयनगरसम्मको रेल तिहारसम्ममा सञ्चालन गरिने, २ सय कर्मचारी प्रस्ताव
नेपाल विद्युत प्राधिकरणले अब स्मार्ट मिटर वितरण गर्ने, प्राविधिक परीक्षण जारी
प्रधानमन्त्री उपचारका लागि फेरि सिंगापुरतर्फ, उतैबाट मन्त्रिपरिषद्को बैठकको अध्यक्षता गर्ने
ओसेनिया क्षेत्रीय संयोजक धर्मराज अधिकारीले अब एनआरएन आईसीसी उपाध्यक्षमा उम्मेद्वारी दिने
नेपाल आइपुगे भारतीय विदेशमन्त्री एस जयशंकर
पुडाशैनीको आत्महत्या प्रकरण : चितवन जिल्ला अदालतमा सञ्चारकर्मीलाई प्रवेश रोकेर बहस, पाँच दिन म्याद थप
सर्वदलीय बैठकमा देउवाले ओलीलाई भने, ‘तपाईंले जे भन्नुहुन्छ त्यो गर्नुहुन्न’
एनआरएन तास्मानियाको पहिलो काम, मानसिक स्वास्थ्य र सडक सुरक्षाबारे तालिम दिइँदै
error: Content is protected !!