पारस शाहबाट विमानस्थलमा प्रहरीमाथि दुव्र्यवहार (Watch Video)


ड्युटीमा रहेका प्रहरीलाई उनको कर्तव्य पालनमा अवरोध गर्न अपराध नै हो । घटना विमानस्थलको हो । भीभीआईपी कक्षको प्रवेशद्वारमा खटिएका एक प्रहरी अधिकारीलाई दुव्र्यवहार गरेका हुन् । उनी ठूलै जमातसहित आफ्नी आमा कोमललाई बिदाई गर्नको लागि विमानस्थलमा पुगेका थिए । यसक्रममा राजावादीहरुले राजा आउ देश बचाउ लगायतका नाराबाजी गर्ने भीडभाड गर्ने क्रम पनि चलिरहेकै थियो । भीभीआईपी कक्षमा प्रवेश गर्नका लागि भीभीआईपीहरुको लागि त सहज हुन्छ तर उनीहरुसँगै जाने अन्य व्यक्तिहरुले भने प्रवेश पास लिनुपर्ने हुन्छ । यही पास नलगाईकनै पारसले भटाभट छोरा हृदयेन्द्र, भान्जा भान्जी लगायतलाई भीआईपी कक्षमा प्रवेश गराइरहेका थिए । प्रहरीलाई कर्नरमा पारेर उनी ढोकैमा बसेर सबैलाई भित्र छिराउँदै गर्दा निज प्रहरीले पास छ कि छैन हेर्न खोज्दा पारसले रिसाएर उनको छाती समाउँदै धकेलेका थिए । यो धकेलाईपछि ति प्रहरीले कुनै प्रतिवाद त गरेनन् तर आफ्नो ड्युटीलाई कायम राख्दै उनी ढोकाबाट अन्य व्यक्ति आउन नपाउन् भन्ने हेतुले सुरक्षित गर्नतर्फ लाग्छन् । तर, पारस शाह यतिमै मात्र रोकिँदैनन् । अर्को गेटमा पुगिसकेपछि पनि फर्किदै आएर फेरि प्रहरीलाई झम्टिन्छन् । सुरक्षाकर्मीको पूर्वसतर्कतालाई नमान्दा नै यसअघि दरबारमा त्यत्रो काण्ड घटिसकेपछि वंश विनास नै भइसकेपछि पनि अझै सुरक्षाकर्मीहरुलाई मात्र वुख्याचा ठान्ने र सुरक्षाका कुनैपनि पूर्वसावधानीहरुलाई नमान्ने पूर्वराजपरिवारको प्रवृत्ति यहाँ देखिएको धेरैले टिप्पणी गरेका छन् । विमानस्थल जस्तो सम्वेदनशील ठाउँमा खटिएको प्रहरीलाई गरिएको दुव्र्यवहारले धेरै प्रश्न उठाएपनि यसको जवाफ भने आउने देखिँदैन । प्रहरी संगठनमा त्यति ठूलो छाति भएकाहरु पनि छैनन् जसले एउटा सानो तहको कर्मचारीमाथि दुव्र्यवहार हुँदा त्यसको जवाफ भीाईपीसँग माग्न सकोस् । यस्तो छ भिडियो







सम्बन्धित समाचारहरू

चीनबाट उद्धार गरिएका १ सय ९३ नेपाली अब ४ दिनपछि घर फर्किन पाउने
भिक्टोरियामा बन्ने गुम्बा र मन्दिरसहितको बहुसांस्कृतिक केन्द्रले किन्यो जग्गा
पन्ध्रौं न्याभ कपको उपाधि हिमालयन क्लबलाई, रोयल राईनोज बन्यो उपविजेता
पूर्वराजा वीरेन्द्र र परिवारको सम्पत्ति स्यहार्दै नेपाल ट्रष्ट, १२ जिल्लामा २१ हजार रोपनी जग्गा
मेलबर्नका तीन काउन्सिलले २० मिलियन पार्किंग फाईन फिर्ता गर्ने
ट्रम्पको दुईदिने भारत भ्रमण, एक लाख १० हजारको उपस्थितिमा भव्य बन्यो स्वागत
जन्मदिनमा प्रधानमन्त्री केपी शर्मा ओलीको पुस्तक भिजन टु एक्सन सार्वजनिक
केही संशोधन गरेर मात्र एमसीसीको सम्झौतामा अघि बढ्न सकिने कार्यदलको सुझाव
error: Content is protected !!