एनआरएन अष्ट्रेलियाका सदस्यहरुले विभिन्न सुविधा पाउने, यस्ता छन् पहिलो बैठकका निर्णय


गैरआवासीय नेपाली संघ अष्ट्रेलियाले आफ्ना सदस्यहरुको लागि विभिन्न सुविधाहरु थप्ने भएको छ । यसका लागि सचिव उषाकिरण बारिया र कोषाध्यक्ष अनिल पोखरेलले नेतृत्व गर्ने भएका छन् । अहिले पनि साउथ अष्ट्रेलियामा त्यहाँका स्थानीय नेपालीका पसल र रेष्टुरेन्टहरुमा जाँदा एनआरएन सदस्यहरुले सुविधा पाउने गरेका छन् । यस्तै सुविधा अष्ट्रेलियाव्यापी गराउने र यससँगै कोल्स, उलवर्थ लगायतका ठूला अष्ट्रेलियन कम्पनीहरुसँग पनि परामर्श गरी आफ्ना सदस्यहरुलाई सुविधा दिलाउने प्रयास एनआरएनले गर्न लागेको हो । 

यो निर्णय गैरआवासीय नेपाली संघ अष्ट्रेलियाको पहिलो बैठकले गरेको हो । केही दिन अघि १५ जना निर्देशकहरुको बैठकपछि अन्य पदाधिकारीसहित आयोजना गरिएको यो पहिलो बैठक हो । अध्यक्ष केशव कँडेलको सभापतित्वमा भएको बैठकले केही महत्वपूर्ण निर्णयहरु गरेको महासचिव डा. ज्ञानेन्द्र रेग्मीले जनकारी दिए । उनका अनुसार बैठकले १२ हजार डलरको स्पोर्टस फन्ड बनाएको छ । यस कोषमा रहेको १२ हजार डलर र आगामी दिनमा थपिँदै जाने रकमले दुई वर्षकाबिच हुने विभिन्न खेल गतिविधिहरुलाई सहयोग गर्ने योजना रहेको छ ।

यस्तै क्वीन्सल्याण्डको टोओम्बामा रहेको नेपाली पाठशालाको लागि एक हजार डलर अनुदान दिने निर्णय पनि बैठकले गरेको छ । यो सहयोगले त्यहाँ पुस्तक किन्न सहयोग पुग्ने बताइएको छ । बैठकले वल्र्डकप छनोट चरणको अष्ट्रेलियासँग हुन लागेको फुटबल खेलमा सक्रिय सहभािगता जनाउने र खेलस्थलमा नेपालको प्रबद्र्धन गर्ने विभिन्न गतिविधि गर्ने निर्णय पनि गरेको छ । बैठकले एनआरएनको वेवसाईटलाई पुनः डिजाईन गर्ने प्रक्रिया पनि सुरु गरिएको जनाएको छ । यस्तै बैठकले महासचिव डा. रेग्मीको संयोजकत्वमा नेपाली नागरिकताको निरन्तरता सम्बन्धी कार्यशाला गर्ने भएको छ ।







सम्बन्धित समाचारहरू

काठमाडौंमा हुने विश्व सम्मेलनमा जाने प्रतिनिधि छान्दै एनआरएन अष्ट्रेलिया
गर्भपतन गराउने चिकित्सकले जब २ हजारभन्दा बढी भ्रुण सुरक्षित राखे !
नेपालमा लगानीको अवसर, दुई अर्ब बराबरको ‘म्युचअल फण्ड’ आउँदै
लगातार मौसम खराब भएपछि विश्वकै खतरनाक लुक्ला विमानस्थलमा सैयौं पर्यटकहरु रोकिए
एडिलेडमा हुन लागेको ‘जुनियर वल्र्डकप २०१९’ मा भिजिट नेपालको प्रबद्र्धन गरिने !
बाँकेको घटनाले तातेको संसद सेलाएन, काँग्रेस र नेकपाका सांसदको जुहारीले तोडियो सहमति
यस्तो भयो एडिलेडमा मनाइएको ईन्द्रजात्रा, पुलुकिसी नाच र कुमारी प्रमुख आकर्षण
ज्ञानबहादुर शाही प्रहरी नियन्त्रणमा, हवाई सुरक्षा प्रतिकूल कार्य गरेको अभियोग लगाउने तयारी
error: Content is protected !!