अष्ट्रेलियाबाट एनआरएन आईसीसी उपाध्यक्ष पदमा मन केसीले उम्मेद्वारी दिने


गैरआवासीय नेपाली संघका पूर्वप्रवक्ता एवं एनआरएन अष्ट्रेलियाका संस्थापक अध्यष मन केसीले यस पटक उपाध्यक्ष पदमा आफ्नो दावेदारी प्रस्तुत गर्ने भएका छन् । सिड्नीमा एक कार्यक्रमको आयोजना गर्दै उनले आफ्नो आकांक्षा प्रस्तुत गरेका हुन् । एनआरएनका पूर्वअध्यक्ष शेष घले, संरक्षक ईन्द्रा वन, पूर्वप्रवक्ता रञ्जु वाग्ले, एनआरएन अष्ट्रेलियाका पदाधिकारीहरु सहित न्यूसाउथवेल्सका लागि नेपाली महावाणिज्यदूत दिपक खड्काको उपस्थितिमा गरिएको कार्यक्रममा केसीले एनआरएन अभियानमा सुरुदेखि नै अग्रपंक्तिमा रहेको अष्ट्रेलियाले आफ्नो महत्वपूर्ण उपस्थिति केन्द्रीय नेतृत्वमा दिनुपर्छ भन्ने आफ्नो धारणा रहेको बताए । 

अष्ट्रेलियाको एकताबद्ध साथ आफुलाई प्राप्त हुने केसीको विश्वास थियो । उनले एनआरएन अभियानमा दिने दिने र लिने लिने सम्बन्ध मात्र नभई लिने दिने सम्बन्धका आधारमा देशको सेवा गर्नुपर्ने बताए ।
एनआरएन आईसीसीका पूर्वअध्यक्ष शेष घलेले सफलताको शुभकामना दिँदै प्रवक्ताका रुपमा आफुसँग काम गर्दा केसीले प्रस्तुत गरेको उच्चस्तरको शैलीबाट प्रभावित बनेको बताए । उक्त अवसरमा एनआरएनको संस्थापक मध्येका एक ईन्द्रा वन, दिपक खड्का, अष्ट्रेलियाको समूदायका अग्रज नारायण प्रधान, पूर्वप्रवक्ता रञ्जु वाग्ले, एनआरएन अष्ट्रेलियाका पूर्वअध्यक्ष ध्रुव सुवेदी, कानून व्यवसायी शमशेर थापा, रमेश पाण्डे, होम पाण्डे, दिनेश जोशी लगायतले शुभकामना दिएका थिए । यसअघि एनआरएनको उपाध्यक्ष पदमा नै वर्तमान ओसेनिया क्षेत्रीय संयोजक धर्मराज अधिकारीले आफ्नो उम्मेद्वारी घोषणा गरिसकेका छन् ।







सम्बन्धित समाचारहरू

चीनबाट उद्धार गरिएका १ सय ९३ नेपाली अब ४ दिनपछि घर फर्किन पाउने
भिक्टोरियामा बन्ने गुम्बा र मन्दिरसहितको बहुसांस्कृतिक केन्द्रले किन्यो जग्गा
पन्ध्रौं न्याभ कपको उपाधि हिमालयन क्लबलाई, रोयल राईनोज बन्यो उपविजेता
पूर्वराजा वीरेन्द्र र परिवारको सम्पत्ति स्यहार्दै नेपाल ट्रष्ट, १२ जिल्लामा २१ हजार रोपनी जग्गा
मेलबर्नका तीन काउन्सिलले २० मिलियन पार्किंग फाईन फिर्ता गर्ने
ट्रम्पको दुईदिने भारत भ्रमण, एक लाख १० हजारको उपस्थितिमा भव्य बन्यो स्वागत
जन्मदिनमा प्रधानमन्त्री केपी शर्मा ओलीको पुस्तक भिजन टु एक्सन सार्वजनिक
केही संशोधन गरेर मात्र एमसीसीको सम्झौतामा अघि बढ्न सकिने कार्यदलको सुझाव
error: Content is protected !!