फेन्काको विषयमा के भने अष्ट्रेलियाका प्रधानमन्त्री स्कट मोरिसनले ?


अष्ट्रेलियाको राजधानी क्यानबेरामा फेडरेसन अफ नेप्लीज कम्युनिटी एशोसिएसन अफ अष्ट्रेलिया (फेन्का) को पहिलो वार्षिक साधारणसभा सुरु भएको छ । साधारणसभालाई शुभकामना दिँदै अष्ट्रेलियाका प्रधानमन्त्री स्कट मोरिसनले अष्ट्रेलियाको अर्थतन्त्रमा नेपाली समूदायले खेलेको भूमिकाको मुक्त कण्ठले प्रशंसा गरेका छन् । उनले अष्ट्रेलियाको बहुसांस्कृतिक समाजको महत्वपूर्ण हिस्साको रुपमा नेपाली समूदाय रहेको भन्दै सामूदायिक संघ संस्थालाई एकै ठाउँमा ल्याउने गरी फेन्का गठन भएकोमा बधाई पनि दिएका छन् । उनले अष्ट्रेलियामा अन्तर्राष्ट्रिय विद्यार्थीमध्ये नेपाली विद्यार्थीहरु तेश्रो ठूलो संख्यामा रहेको पनि सन्देशमा लेखेका छन् ।

यसको साधारणसभामा बोल्दै अष्ट्रेलियाका लागि कार्यवाहक नेपाली राजदूत द्रुपदा सापकोटाले डायस्पोरा डिप्लोमेसीको नयाँ बहसलाई थप उचाईमा लैजानुपर्ने बताइन् । सापकोटाले नयाँ संस्थाका रुपमा सफलताको कामना पनि गरिन् । कार्यक्रममा फेन्काका अध्यक्ष डा. राजु अधिकारीले यस किसिमको संघीय संरचनाको नेपाली संस्थाको आवश्यकता आज भन्दा भोलि अझ बढेर जाने विचार राखे । उक्त अवसरमा बोल्दै महासचिव कृष्ण हमालले अहिलेसम्मको गतिविधिको जानकारी गराएका थिए । सन् १९९६ देखि नै यस्तो संस्थाको आवश्यकता बोध गरिएको भएपनि अहिले आएर सार्थकता प्रदान गर्न सकिएको बताए । कार्यक्रममा संस्थाको आर्थिक पाटोको विषयमा प्रवक्ता बम योञ्जनले जानकारी गराएका थिए । वार्षिक साधारणसभामा एनआरएन अष्ट्रेलियाका उपाध्यक्षद्वय देव गुरुंग र चुडामणि सापकोटा पनि सहभागी थिए । आजै साँझ अध्यागमन मन्त्री डेभिड कोलम्यानको उपस्थितिमा उद्घाटन सत्र पनि आयोजना हुँदैछ ।







सम्बन्धित समाचारहरू

चीनबाट उद्धार गरिएका १ सय ९३ नेपाली अब ४ दिनपछि घर फर्किन पाउने
भिक्टोरियामा बन्ने गुम्बा र मन्दिरसहितको बहुसांस्कृतिक केन्द्रले किन्यो जग्गा
पन्ध्रौं न्याभ कपको उपाधि हिमालयन क्लबलाई, रोयल राईनोज बन्यो उपविजेता
पूर्वराजा वीरेन्द्र र परिवारको सम्पत्ति स्यहार्दै नेपाल ट्रष्ट, १२ जिल्लामा २१ हजार रोपनी जग्गा
मेलबर्नका तीन काउन्सिलले २० मिलियन पार्किंग फाईन फिर्ता गर्ने
ट्रम्पको दुईदिने भारत भ्रमण, एक लाख १० हजारको उपस्थितिमा भव्य बन्यो स्वागत
जन्मदिनमा प्रधानमन्त्री केपी शर्मा ओलीको पुस्तक भिजन टु एक्सन सार्वजनिक
केही संशोधन गरेर मात्र एमसीसीको सम्झौतामा अघि बढ्न सकिने कार्यदलको सुझाव
error: Content is protected !!