विश्वकप छनोट खेल्ने नेपाली ३२ सस्यीय फुटबल टोली सिड्नीमा, नेपाली युवाले गरे स्वागत


विश्वकप फुटबलको लागि छनोट खेल खेल्न नेपाली राष्ट्रिय फुटबल टोली सिड्नी आइपुगेको छ । सिड्नीको अन्तर्राष्ट्रिय विमानस्थलमा बिहीबार आइपुगेको टोलीलाई अष्ट्रेलियन नेप्लीज फुटबल एशोसिएसन एन्फा र एनआरएन अष्ट्रेलियाका युवाहरुले स्वागत गरे । नेपाली राष्ट्रिय फुटबल टोलीलाई स्वागत गर्न न्यूसाउथवेल्सका लागि नेपाली अवैतनिक महावाणिज्यदूत दिपक खड्का, एनआरएन अष्ट्रलियाका उपाध्यक्ष देव गुरुंग पनि विमानस्थल पुगेका थिए । विमानस्थलमा संक्षिप्त प्रतिक्रिया दिँदै नेपाली टोलीका कप्तान किरण चेम्जोंगले विश्वकप खेलिसकेको टोलीसँग खेल्ने अवसर टोलीका लागि उत्साहजनक रहेको बताए । 

एनआरएन अष्ट्रेलियाका युवा संयोजक ईर्साद एहमदले खेलाडीहरुको लागि एक फुटबल एकेडेमीमै बस्ने व्यवस्था गरिएको बताए । एनआरएन युवाहरुको पहलमा आगामी अक्टोबर ६ तारिख गाला डिनरसहित औपचारिक स्वागत र सम्मान गर्ने कार्यक्रम राखिएको छ । उनले भने, “खासमा खेलाडीहरु ८ तारिख आउने, १० तारिख खेल्ने र ११ तारिख फर्किने कार्यक्रम थियो । हामीले यहाँको वातावरणमा घुलमिल हुन सहयोग पुगोस् भनेर पाँच दिन अगावै बोलाएका हौं । एन्फा र हाम्रो पहलमा उनीहरुलाई खेलपूर्वको तयारीका लागि पर्याप्त समय मिल्न सकेको छ । यो खुशीको कुरा हो । हाम्रा खेलाडीहरुले पक्कै पनि राम्रो प्रदर्शन गर्नेछन् ।”

उनले अहिले राखिएको एकेडेमीमा नेपाली खेलाडीहरुलाई जीमसहित सबै व्यवस्था मिलाइएको छ भने अभ्यासका लागि ग्राउन्ड पनि नजिकै छ ।







सम्बन्धित समाचारहरू

नेपाली सेनाले भोलि चीनबाट २८ टन स्वास्थ्य सामग्री ल्याउँदै
कोरोनाका कारण लाउन्ड्रीमा काम गर्ने सिड्नीका सयजनाभन्दा बढी नेपालीले काम गुमाए !
संविधान संशोधनको विषयमा काँग्रेसले माग्यो छलफलका लागि थप समय
गौरीफन्टा नाकाबाट एकैदिन ५०१३ नेपाली भित्रिए : आधा क्वारेन्टाइनमा, आधा गाउँघरमा
चीनको राष्ट्रिय मिडियाले अष्ट्रेलियालाई अमेरिकाको पिछलग्गु भनेपछि बबाल !
नेपालमा थप ७ जनामा कोरोना संक्रमण,संक्रमितको संख्या ६८२,मृत्यु हुनेको संख्या ४ पुग्यो
वीरगञ्जको नेशनल मेडिकल कलेजमा मृत्यु भइ अन्त्येष्टि गरिसकेका व्यक्तिमा कोरोना संक्रमण पुष्टि
थप ७२ जनामा कोरोना पुष्टि, संक्रमितको संख्या ६७५ पुग्यो
error: Content is protected !!