आईतबार बिदा दिने सरकारका निर्णय, चिनियाँ राष्ट्रपतिको स्वागतको लागि सिंगारियो काठमाडौं


चिनियाँ राष्ट्रपति सी चिनफिङको नेपालको दुईदिने राजकीय भ्रमणको पूर्व सन्ध्यामा काठमाडौं सिङ्गारिएको छ । राष्ट्रपति विद्यादेवी भण्डारीको मैत्रीपूर्ण निमन्त्रणामा २३ वर्षपछि नेपालमा चिनियाँ राष्ट्रपतिको उच्चस्तरीय राजकीय भ्रमण हुन लागेको हो ।

असोज २५ र २६ गते नेपालभ्रमणमा आउने चिनियाँ राष्ट्रपति सीको स्वागतको लागि काठमाडौंका विभिन्न स्थानहरुलाई महत्वका साथ सरसफाई र रङ्गरोगन गरिएको छ । त्यसैगरी, उहाँको स्वागतमा दुई देशबीचको छिमेकी सम्बन्ध सर्वोच्च शिखर सगरमाथा जस्तै उचाईमा रहेको उल्लेख गर्दै स्वागतद्वार राखिएका छन् । 

त्यस्तै, जनवादी गणतन्त्र चीन स्थापना भएको ७० वर्ष पुगेको उपलक्ष्यमा शुभकामना दिइएको उल्लेख गर्दै स्वागतद्वार निर्माण गरिएका छन् । सडकमा रहेका पिलरहरुमा राष्ट्रपति भण्डारी र उहाँकी समकक्षी सीका नेपालका विभिन्न पर्यटकीय क्षेत्रका तस्बिरहरु पनि सजाइएका छन् । नेपालका विभिन्न पर्यटकीय क्षेत्रका तस्बिरहरु पनि सजाइएका छन् । सडकलाई कालोपत्रे गरिनुका साथै रेलिङ्गहरुमा रङ्गरोगन गरिएको छ ।

चिनियाँ प्रतिनिधिमण्डलको नेतृत्व गर्दै नेपाल भ्रमणमा आउन लाग्नुभएका चिनियाँ राष्ट्रपति सिको स्वागतमा त्रिभुवन अन्र्तराष्ट्रिय विमानस्थल, गौशाला, तीनकुने, नयाँ वानेश्वर, बबरमहल, माइतिघर, सिंहदरबार, थापाथली, त्रिपुरेश्वर, टेकु, कालीमाटी, सोल्टीमोड क्षेत्रलाई सुसज्जित पारिएको छ । त्यसरी नै भद्रकाली, सुन्धारा, रत्नपार्क, दरबारमार्ग, केशरमहल, नागपोखरी, हात्तीसार, नक्साल भगवतीबहाललगायतका क्षेत्रमा सौन्दर्यता थपिएको छ । यसैबीच, सरकारले दुई दिने भ्रमणमा स्वागतका लागि आईतबार सार्वजनिक बिदा दिने निर्णय गरेको छ ।

Facebook Comments





सम्बन्धित समाचारहरू

मिल्डुरा विद्यार्थी कुटपिटका आरोपी घले यसो भन्छन्….!
अष्ट्रेलिया सरकारले नयाँ घर बनाउने वा मर्मत गर्नेलाई २५ हजार डलर अनुदान दिने
डढेलो र कोरोनाको कारण अष्ट्रेलियाको अर्थतन्त्र २९ वर्षपछि मन्दीमा !
नेपाली सीमा मिचेको विषयमा न्यूजिल्याण्डबाट मोदीलाई खबरदारी !
काँग्रेसका ८ मधेशी सांसदले दर्ता गराएको संशोधन वैधानिक कि अवैधानिक !
आपतमाथि थपिएको विपद, बाँके दुर्घटनामा मृत्यु हुनेको संख्या १२ पुग्यो !
अमेरिकाको ३० शहरमा विरोध प्रदर्शन, घटनामा संलग्न प्रहरी अधिकारी डेरेक चौभिन निलम्बन
दिनमा २५ सयका दरले विदेशबाट नेपालीलाई स्वदेश फर्काउने यस्तो छ तयारी
error: Content is protected !!