एनआरएनको निर्वाचन स्थगित, भोलि मतदान सुचारु गर्ने निर्वाचन आयोगको स्पष्टीकरण


गैरआवासीय नेपाली संघको मतदान स्थगित भएको छ । करिब सवा आठ बजे सुरु भएको मतदान एक घण्टा चलेर स्थगित भएको हो । भोलि विहान १० बजे पुन सुचारु गर्ने बुझिएको छ । दिउँसो ५ बजे मतदान हुने प्रारम्भिक तयारी भएपनि ढिलो गरी मतदान सुरु भएको थियो । होटल हयातमा जारी अधिवेशनमा नयाँ नेतृत्व चयनका लागि मतदान हुन लागेको हो । यस पटक अध्यक्ष पदमा कुमार पन्त र कुल आचार्य चुनावी मैदानमा छन् । वर्तमान उपाध्यक्षद्वय आचार्य र पन्तले अध्यक्षमा दाबेदारी प्रस्तुत गरिरहँदा चार उपाध्यक्ष पदका लागि ९ जना मैदानमा देखिएका छन् । अष्ट्रेलियाका धर्मराज अधिकारी, मन केसी, वर्तमान महासचिव बद्री केसी, नरेन्द्रबहादुर भाट, अर्जुनकुमार श्रेष्ठ, किरण विक्रम थापा, हिक्मतबहादुर थापा, सोनाम लामा र डा। केशव पौडेलले अध्यक्षमा दावी गरेका छन् । यस्तै महिला उपाध्यक्षमा सपिला राजभण्डारी र रविना थापा प्रतिस्पर्धामा छन् । 

महासचिव पदमा जानकी गुरुंग, डा। हेमराज शर्मा मैदानमा छन् । यस्तै सचिव पदमा दिपकप्रसाद ओली, सुष्मा लिम्बु, अभिमानसिंह बस्नेत, शिवकुमार बरुवाल, गौरीराज जोशी, आरके शर्मा, विनय अधिकारी चुनावी प्रतिस्पर्धामा देखिएका छन् । यस्तै कोषाध्यक्षमा सोमनाथ सापकोटा, महेशकुमार श्रेष्ठ र सुदन थापा चुनावी प्रतिस्पर्धामा छन् । यीमध्ये एकजनालाई मतदाताले छान्नुपर्नेछ । सहकोषाध्यक्ष पदका लागि लोकप्रसाद दाहाल र गोविन्द्रप्रसाद गौतम चुनावी प्रतिस्पर्धामा छन् ।

महिला संयोजकमा भोमा लिम्बु, संगीता मरहठ्ठा, प्रमिला खड्का बस्नेत र जुनु गुरुंगको प्रतिस्पर्धा छ । यस्तै युवा संयोजकमा हिमाल गुरुंग, स्वतन्त्रप्रताप शाह र सुदिप कार्की चुनावी मैदानमा छन् । ओसेनिया क्षेत्रीय संयोजकमा होम पाण्डे र दिनेश जोशीको प्रतिस्पर्धा हुने भएको छ भने ओसेनिया महिला संयोजकमा जानकी पौडेल निर्विरोध भएकी छिन् । यस्तै राज थपलिया युवा संयोजक पदमा निर्विरोध बनेका छन् । यस्तै युरोपको महिला संयोजक पदमा कुमारी योगिता थापा र युरोप युवा संयोजकमा कृष्ण ठाकुर निर्विरोध भएका छन् ।







सम्बन्धित समाचारहरू

नेपाली सेनाले भोलि चीनबाट २८ टन स्वास्थ्य सामग्री ल्याउँदै
कोरोनाका कारण लाउन्ड्रीमा काम गर्ने सिड्नीका सयजनाभन्दा बढी नेपालीले काम गुमाए !
संविधान संशोधनको विषयमा काँग्रेसले माग्यो छलफलका लागि थप समय
गौरीफन्टा नाकाबाट एकैदिन ५०१३ नेपाली भित्रिए : आधा क्वारेन्टाइनमा, आधा गाउँघरमा
चीनको राष्ट्रिय मिडियाले अष्ट्रेलियालाई अमेरिकाको पिछलग्गु भनेपछि बबाल !
नेपालमा थप ७ जनामा कोरोना संक्रमण,संक्रमितको संख्या ६८२,मृत्यु हुनेको संख्या ४ पुग्यो
वीरगञ्जको नेशनल मेडिकल कलेजमा मृत्यु भइ अन्त्येष्टि गरिसकेका व्यक्तिमा कोरोना संक्रमण पुष्टि
थप ७२ जनामा कोरोना पुष्टि, संक्रमितको संख्या ६७५ पुग्यो
error: Content is protected !!