भिजिटर भिसामा अष्ट्रेलिया आउँदा शैक्षिक प्रमाणपत्र बोक्ने युवती डिपोर्ट


अष्ट्रेलियाको अध्यागमनका अधिकारीहरुले एक २३ वर्षीय युवतीलाई अष्ट्रेलिया भिजिटर भिसामा आउँदा शैक्षिक प्रमाणपत्र बोकेको फेला पारेपछि देश निकाला गरिदिएका छन् । घटना भिक्टोरियाको हो । स्थानीय एभलोन एयरपोर्टमा आइपुगेकी एक भारतीय युवतीलाई छड्के जाँचको क्रममा अधिकारीहरुले सोधपुछ गरेका थिए । सोधपुछका क्रममा उनले आफुले केही औषधि ल्याएको बताएकी थिइन् । औषधि हेर्ने क्रममा उनको लगेजमा शैक्षिक प्रमाणपत्रहरु कपडाभित्र बेरेर लुकाएको अवस्थामा भेटिएको थियो । उनलाई आईएलटीएस रिपोर्ट, शैक्षिक प्रमाणपत्र ल्याउनुको कारण सोधिएको थियो । उनले कुनै स्पष्ट जवाफ दिन सकिनन् । आफ्नो काका काकीसँग भेट्न आएको भनिएकी युवतीले आफु तीन महिनाको लागि घुम्न आएको बताएकी थिइन् । तर, उनीसँग मात्र एक सय डलर थियो । अनि, घुम्ने ठाउँहरु के के छन् भन्ने प्रश्नमा उनले उत्तर दिन सकिनन् । मात्र भनिन्, “यहाँका सुन्दर पार्क र होटलहरु घुम्ने रहर छ ।” 

थप शंका लागेपछि अधिकारीहरुले निज युवतीका काका काकीलाई सोधेका थिए । उनीहरुले आफ्नो आफन्त एक महिना मात्र घुमेर फिर्ता हुने बताएपछि कुरा अझ रहस्यमय बनेको थियो । यिनै प्रमाणका आधारमा उनको अष्ट्रेलिया प्रवेश अस्वीकृत गर्दै उनलाई फिर्ता पठाइएको छ । फिर्ता पठाउनुअघि उनलाई ब्रोडमेडोज बन्दी गृहमा राखिएको थियो । युवतीसँग अधिकारीहरुले करिब सात घण्टा सोधपुछ गरेका थिए । घटनापछि एसबीएस पन्जावीलाई प्रतिक्रिया दिँदै मेलबर्नमा रहेका उनका आफन्तहरुले आफुहरुलाई उनले सर्टिफिकेटहरु ल्याएको बारेमा थाहा नभएको बताएका छन् । यदि त्यस्तो गर्ने थाहा भएको भए नगर्न भन्ने प्रतिक्रिया पनि उनीहरुको छ ।

पछिल्लो समय अष्ट्रेलिया आइसकेका भिजिटर भिसावाहकले पनि पढ्ने अनुमति पाउने गरेका छन् । यसरी भिजिटर भिसामा आउने र यहाँ आएर पढाईका लागि आवेदन दिनेहरुको संख्या बढ्दै गएको छ ।

भारत फर्किँदै गर्दा मलेसियाको एयरपोर्टमा ४८ घण्टाको ट्रान्जिटमा बसेकी उनले आफुलाई हत्कडी लगाएर अमानवीय व्यवहार भएको प्रतिक्रिया दिइन् । “यदि यस्तो हुन्छ भन्ने थाहा भएको भए म अष्ट्रेलिया आउने नै थिइनँ ।” उनको प्रतिक्रिया छ ।







सम्बन्धित समाचारहरू

नेपाली सेनाले भोलि चीनबाट २८ टन स्वास्थ्य सामग्री ल्याउँदै
कोरोनाका कारण लाउन्ड्रीमा काम गर्ने सिड्नीका सयजनाभन्दा बढी नेपालीले काम गुमाए !
संविधान संशोधनको विषयमा काँग्रेसले माग्यो छलफलका लागि थप समय
गौरीफन्टा नाकाबाट एकैदिन ५०१३ नेपाली भित्रिए : आधा क्वारेन्टाइनमा, आधा गाउँघरमा
चीनको राष्ट्रिय मिडियाले अष्ट्रेलियालाई अमेरिकाको पिछलग्गु भनेपछि बबाल !
नेपालमा थप ७ जनामा कोरोना संक्रमण,संक्रमितको संख्या ६८२,मृत्यु हुनेको संख्या ४ पुग्यो
वीरगञ्जको नेशनल मेडिकल कलेजमा मृत्यु भइ अन्त्येष्टि गरिसकेका व्यक्तिमा कोरोना संक्रमण पुष्टि
थप ७२ जनामा कोरोना पुष्टि, संक्रमितको संख्या ६७५ पुग्यो
error: Content is protected !!