गीतकार दिनेश अधिकारी मेलबर्नमा, १० नोभेम्बर साहित्यिक जमघट हुँदै !


मदन पुरस्कार विजेता गीतकार दिनेश अधिकारी यतिबेला अष्ट्रेलिया भ्रमणमा छन् । हालै ब्रिसबेनमा कार्यक्रम सम्पन्न गरेका उनले मेलबर्नमा लक्ष्मी जयन्तीको अवसरमा आगामी १० नोभेम्बरमा साहित्य संगीत जमघटमा सहभागिता जनाउने भएका छन् । साहित्य संगीत जमघटका पेशल लुईंटेलका अनुसार यस पटकको जमघटमा प्रमुख अतिथिको रुपमा दिनेश अधिकारी रहनेछन् । अधिकारीले आफ्ना साहित्य वाचन गर्नुका साथै मेलबर्नका साहित्यानुरागीहरुको सिर्जना समेत सुन्नेछन् । स्थानीय कोबर्ग लाईब्रेरीको हलमा दिउँसो १ बजेपछि हुने कार्यक्रममा सहभागी हुन लुईटेलले सबैलाई आग्रह गरेका छन् । 

को हुन् अधिकारी ?

“तिमी जुन रहरले ममा फुल्न आयौ” र “यो संझिने मन छ म बिर्सु कसोरी” सहित करिब ५ सयभन्दा बढी रेकर्डेड गीतका सर्जक अधिकारीले १० वर्षको उमेरदेखिनै कविता लेख्न थालनी गरेका हुन् । अधिकारीका कविता संग्रह ‘संवेदनाको स्वर’ लाई भारतको अग्रणी प्रकाशन संस्था राजकमल प्रकाशनले हिन्दीमा प्रकाशन गरेको छ । अधिकारीका कवितालाई डा। गंगाप्रसाद अकेलाले हिन्दीमा अनुवाद गरेका हुन् । नेपाली कविताको विधिपूर्वक यसरी हिन्दी भाषामा अनुवाद गरेर भारतमै प्रकाशन गरिएको सम्भवतः यो पहिलो घटना हो । अधिकारीकै प्रतिनिधि कविता ‘मोड अफ लाइफ’ सन् २००९ मा अंग्रेजी भाषामा प्रकाशन भइसकेको छ । वि‍.सं. २०७४ साउन २६ मा जारी गरिएको फरक धारको पुस्तक ‘तस्वीरको कथा’ कवि तथा अधिकारीले सार्वजनिक गरे । नेपालमा पहिलोपटक लेखिएको र सबै वर्ग, पेशा र उमेरका मानिसले रुचाउने पुस्तक भनेर अभि सुवेदीले र प्रसिद्ध गायक प्रेमध्वज प्रधानले एेतिहासिक महत्व भएको पुस्तक भनेर पुस्तकबारे टिप्पणी गर्नुभएको थियो । कवि तथा गीतकार दिनेश अधिकारीले पुराना तथा नयाँ आफ्ना चर्चित गीतहरुको सङ्ग्रहलाई पुस्तकको आकार दिई २०७५ सालमा साङ्ग्रिला बुक्सद्वारा प्रकाशनमा ल्याएका छन् । उनले पुस्तकको नाम आफ्नो चर्चित गीत ‘यो सम्झिने मन छ म बिर्सु कसोरी’ बाट राखेका छन् ।

आफ्नो स्थापनाकालको दुईसय वर्ष मनाउने क्रममा अमेरिकास्थित लाइब्रेरी अफ कङ्ग्रेसले विश्वका कृति सङ्कलन गर्दै आइरहेको छ र विश्व साहित्यलाई स्वराङ्कन गर्ने थालनी दक्षिण एसियाबाट थालेसंगै नेपालका पहिलो चरणमा छानिएका ११ जना सहित्यकारमध्ये अन्य केही साहित्यकार लगायत कवि दिनेश अधिकारीको स्वराङ्कन गरिसकिएको छ । विभिन्न कालजयी गीतका सर्जक अधिकारीले मदन पुरस्कारलगायत अन्य थुप्रै पुरस्कार पाएका छन् ।







सम्बन्धित समाचारहरू

कोरोनाका कारण लाउन्ड्रीमा काम गर्ने सिड्नीका सयजनाभन्दा बढी नेपालीले काम गुमाए !
चीनको राष्ट्रिय मिडियाले अष्ट्रेलियालाई अमेरिकाको पिछलग्गु भनेपछि बबाल !
अष्ट्रेलियाबाट दुई महिनाअघि फर्किएका बृद्धलाई कोरोना संक्रमण, ठमेल क्षेत्र सिल
अष्ट्रेलियामा ६० लाखले डाउनलोड गरे कोभिड सेफ एप !
अर्को महिनादेखि न्यूसाउथवेल्सका रेष्टुरेन्ट र पबमा एकैपटक ५० जनासम्म जानसक्ने !
भिक्टोरियाका शेखर भट्टराईको ‘दाजुभाई’ तस्वीरले जित्यो पहिलो फोटो प्रतियोगिताको उपाधि
न्यूसाउथवेल्सका अन्तर्राष्ट्रिय विद्यार्थीको बसाईका लागि २ करोड डलरको प्याकेज घोषणा
कोरोना निको पार्ने भन्दै ‘ब्लीच’ बेच्ने सिड्नीको चर्चलाई १ लाख ५१ हजार डलर जरिवाना !
error: Content is protected !!