दैलेखमा बेस क्याम्प बनाएरै पेट्रोलको उत्पादन सम्भाव्यता अध्ययन गर्दै चिनियाँ टोली


पेट्रोलियम पदार्थ भण्डारणको रुपमा रहेको दैलेखको श्रीस्थान र नाभिस्थान लगायतका क्षेत्रहरुमा चिनियाँ प्राविधिक टोलीले अन्वेषणको काम सुरु गरेसँगै स्थानीय स्तरमा रोजगारी खुलेको छ ।

दैलेखको डुँगेश्वर गाउँपालिका वडा १ को चुप्रामा अन्वेषण र उत्खननको समय अवधिभर बस्नका लागि सर्भे बेस क्याम्प निर्माण पश्चात् विभिन्न ९ पदका लागि कर्मचारी माग गरेको छ । अन्वेषणका लागि कामदार ५० जना, ड्रिलर १० जना, सुटर पाँच जना, ट्राबल सुटर पाँच जना, जिपिएस अप्रेटर पाँच जना, सर्भेयर ६ जना, ड्रिलिङ फोरम्यान एकजना र लाइन फोरम्यान एकजना गरी ८३ जना कर्मचारी माग गरेको हो । 

नेपाल सरकार र चीन सरकारबीच भएको सम्झौता अनुसार दैलेखको पेट्रोलियम पदार्थको अन्वेषणको पहिलो कार्य साइस्मिक कार्य गर्न ८३ जना कर्मचारी मागका लागि काठमाडौंमा रहेको त्रिबेणी ओभरसिज प्रालिले अनुमति पाएको छ ।

प्रालिका म्यानेजर सूर्यमणि लामिछानेका अनुसार चिनियाँ प्राविधिक टोलीले अन्वेषणका लागि कर्मचारी माग भए अनुसार सूचना स्थानीय पत्रिकामा प्रकाशन गरिएको बताउनुभयो । उहाँहरुले कामदार र अन्य विभिन्न प्राविधिक पदहरुका लागि दर्खास्त आइरहेकाले चाँडै सबै पदका कर्मचारीको टुँगो लगाउने जानकारी दिनुभयो ।

खानी तथा भूर्गभ विभागका भूर्गभविद दिनेश त्रिपाठीका अनुसार प्राविधिक टोलीले साइस्मिक सर्भे जिओलोजिकल सर्भे र म्यागनेट सर्भे लगायतका कामहरुका लागि चिनियाँको प्राविधिक टोलीले कर्मचारी मागेको बताउनुभयो ।

अहिले रोजगारी सिर्र्जना भएको र अन्वेषण पश्चात् पेट्रोलियम पदार्थको परिणाम थाहा पाएपछि जिल्लाका धेरै नागरिकहरुले रोजगारी पाउने उहाँको दाबी छ । उहाँले स्थानीयलाई रोजगारी सिर्जना भएसँगै दैलेखका नागरिकहरुमा उत्साह थपिएको बताउनुभयो । पेट्रोलियम पदार्थको अन्वेषण र उत्खनन्का लागि स्थानीय सरकार र जनता दुबै उत्साहित भएका कारण प्राविधिक टोलीलाई समेत सहजता भएको उहाँले जनाउनुभयो ।

जिल्लामा बढ्यो चहलपहल

दैलेखमा अन्वेषणको काम सुरु भएसँगै जिल्लामा चहलपहल बढेको छ । मुलुक संघीयतामा गए पश्चात् सुनसान भएको दैलेख सदरमुकाममा चहलपहल बढेको छ । दैलेखको नारायण नगरपालिका वडा ६ मा चिनियाँ जिओलोजिकल सर्भेको कार्यालय स्थापना भएपछि अहिले जिल्लाको माहोल नै फरक भएको छ ।

प्राविधिक टोलीलाई विभिन्न स्थानमा अन्वेषणका गर्न लानको लागि दैनिक दशवटा गाडी ओहोरदोहोर गरेपछि चहलपहल बढेको स्थानीय व्यापारी ममता थापाले बताउनुभयो ।







सम्बन्धित समाचारहरू

अष्ट्रेलियाको एडिलेडमा भव्य बन्यो माघे सक्रान्ती
चौबन्दी गायिका राउतलाई पक्राउ गर्न प्रहरीलाई अनुमति, अभद्र व्यवहारमा मुद्दा चल्ने !
सञ्चारकर्मी रवि लामिछाने निर्दोष भएको जिल्ला अदालत चितवनको ठहर, तीनैजनालाई सफाई
अग्नी सापकोटालाई सभामुख बनाउने नेकपाको निर्णय, उपसभामुख तुम्बाहाम्फेको राजीनामा आउने
अमेरिकी दूतावासबाट एमसीसीमा कुनै सैन्य विषय नजोडिएको स्पष्ट, कान छाम्ने कि ?
क्यामेरामा आएर रोइन आस्था राउत, कमेन्टमा उल्टै दर्शकको गाली !
प्रधानमन्त्रीको सम्पादकहरुलाई मुटु छाम्ने सुझाव दिएको भाषणमा के छ ?
काठमाडौंमा खुल्यो अष्ट्रेलियन एजुकेशन ईन्फर्मेसन सेन्टर, अष्ट्रेलिया आउनुअघि सम्पूर्ण जानकारी दिइने !
error: Content is protected !!