Banner first

क्यानबेरा आइपुगे नयाँ राजदूत दाहाल, बुधबार ओहोदाको प्रमाणपत्र पेश गर्ने

अष्ट्रेलियाका लागि आवासीय राजदूत महेश दाहाल राजधानी क्यानबेरा आइपुगेका छन् । शनिबार आइपुगेका उनले कार्यालयमा आज सोमबारबाट आफ्नो नियमित कार्य सम्हालेका छन् । यससँगै आगामी बुधबार ओहोदाको प्रमाणपत्र बुझाउँदै नेपालका राष्ट्रपति विद्यादेवी भण्डारीको सन्देश यहाँका गभर्नर जनरल डेभिड हर्लेलाई बुझाउनेछन् । यसपछि औपचारिक कार्यआरम्भ हुनेछ । शनिबार क्यानबेरा आइपुग्दा कार्यवाहक राजदूत द्रुपदा सापकोटासहित दूतावासका कर्मचारीहरुले उनलाई विमानस्थलमा स्वागत गरेका थिए ।