प्रधानमन्त्री केपी शर्मा ओलीको अपरेसन सकियो, अस्पतालबाट डिस्चार्ज हुन समय लाग्ने


एपेन्डिसाइटिस भएपछि अस्पताल भर्ना हुनुभएका प्रधानमन्त्री केपी शर्मा ओलीको अप्रेशन सकिएको छ । सफल शल्यक्रिया भएको बताइए पनि चिकित्सकहरुले संक्रमणको खतरा रहेका कारण केही दिन अस्पतालमै राख्नुपर्ने भनिसकेका छन् ।

त्रिवि शिक्षण अस्पताल परिसरमा रहेको मनमोहन कार्डियोथोरासिक भास्कुलर एण्ड ट्रान्सप्लान्ट सेन्टरमा प्रधानमन्त्रीको अप्रेशन सम्पन्‍न भएको थियो । त्रिभुवन विश्वविद्यालय शिक्षण अस्पतालका सर्जन द्वय डा. रमेशसिहं भण्डारी र डा.पलेस्मा जोशीले शल्यक्रिया गरेका हुन् । प्रधानमन्त्री ओलीको आज १२ बजेर ४५ मिनेटमा सफलतापूर्वक अपरेसन सम्पन्न भएको प्रेस सल्लाहकार सुर्य थापाले जानकारी दिए । 

प्रधानमन्त्रीको मिर्गौलामा पनि समस्या भएकाले डा। दिव्या सिंहको टोलीले पनि अप्रेशन थिएटरमै रहेर निगरानी गरेको थियो बताइएको छ । डा. भण्डारीको टोलीले नेपालमै पहिलो पटक त्रिवि शिक्षण अस्पतालमै कलेजेको सफल प्रत्यारोपण गरेको थियो। प्रधानमन्त्रीको एपेन्डिसाइटिसको अप्रेशनका लागि त्रिवि शिक्षण अस्पतालबाट डाक्टर भण्डारीको नेतृत्वमा चिकित्सक मगाइएको थियो। सोमबार रातभर पेट दुखेर पखाला लागेपछि प्रधानमन्त्रीलाई उपचारका लागि त्यहाँ भर्ना गरिएको थियो। आईसीयूमा राखेर थप उपचार गरिएको अस्पताल प्रशासनले जानकारी दिएको छ ।

Facebook Comments





सम्बन्धित समाचारहरू

मिल्डुरा विद्यार्थी कुटपिटका आरोपी घले यसो भन्छन्….!
अष्ट्रेलिया सरकारले नयाँ घर बनाउने वा मर्मत गर्नेलाई २५ हजार डलर अनुदान दिने
डढेलो र कोरोनाको कारण अष्ट्रेलियाको अर्थतन्त्र २९ वर्षपछि मन्दीमा !
नेपाली सीमा मिचेको विषयमा न्यूजिल्याण्डबाट मोदीलाई खबरदारी !
काँग्रेसका ८ मधेशी सांसदले दर्ता गराएको संशोधन वैधानिक कि अवैधानिक !
आपतमाथि थपिएको विपद, बाँके दुर्घटनामा मृत्यु हुनेको संख्या १२ पुग्यो !
अमेरिकाको ३० शहरमा विरोध प्रदर्शन, घटनामा संलग्न प्रहरी अधिकारी डेरेक चौभिन निलम्बन
दिनमा २५ सयका दरले विदेशबाट नेपालीलाई स्वदेश फर्काउने यस्तो छ तयारी
error: Content is protected !!