एनआरएन अष्ट्रेलियामा मनोनयनको सकस, बैठक अनिर्णित


गैरआवासीय नेपाली संघ अष्ट्रेलियाको निर्वाचन सकिएको करिब ६ महिना हुँदैछ । यसबीचमा दुई निर्देशक प्रवक्ता र पब्लिक अफिसर सहित केही पदहरुमा मनोनयन हुन सकेको छैन । गत शनिबार भएको एनआरएन अष्ट्रेलियाको बैठकमा सहमति जुट्न नसकेपछि मनोनयन रोकिएको छ । एनआरएन अष्ट्रेलिया यहाँको संघीय संस्थाको रुपमा दर्ता भई १५ जना बोर्ड सदस्य तोकिएको अवस्थामा थप दुई बोर्ड सदस्य कसलाई बनाउने भन्ने विषय टुंगो लागिसकेको छैन ।

बैठकमा तीन जना एनसीसी सदस्यहरुको नाम अध्यक्ष केशव कँडेलले प्रस्ताव गरेपनि त्यसमा विवाद भएको थियो । विधानतः अध्यक्षले सिफारिश गर्ने र त्यही नामलाई कार्यसमितिले अनुमोदन गर्नुपर्ने अध्यक्षको बुझाई र छलफलबाट कार्यसमितिले निर्णय गर्नुपर्ने अन्य सहभागी बोर्ड सदस्यहरुको भनाईले मनोनयन रोकिएको बुझिएको छ । यस विषयमा सम्पर्क गर्दा अध्यक्ष केशव कँडेलले गत शनिबारको बैठकमा छलफल भएपनि निर्णय भने नभएको पुष्टि गरे । उनले अबको बैठकले मनोनयनको टुंगो लगाउने जानकारी दिए । 

अष्ट्रेलियाको एक राज्यका संयोजक एवं बोर्ड सदस्यले एमएनटीभीसँग कुरा गर्दै विधानको विषयमा चर्काचर्की परेको बताए । उनले भने, “अध्यक्षले हामीलाई नै विधान पढेर आउन भन्नुभयो । तर, उहाँ आफैंले नियुक्ति कसरी हुन्छ, त्यसको आधार के हो भन्ने बुझ्नुभएको रहेनछ । बहुमत पुग्न नसक्ने देखिएपछि मनोनयन रोकिएको हो ।” बैठकमा सहभागी अर्का एक सदस्यले भने, “चुनावको बेला लिखितमा, मौखिकमा र भिडियोमा के के प्रतिबद्धता जनाइएको थियो त्यही प्रतिबद्धतालाई लाद्न खोज्दा निर्णय हुन नसकेको हो ।”

अध्यक्ष कँडेलले एनसीसी सदस्यमा दुर्गा आचार्य, पूर्णनाथ घिमिरे र प्रजिता गेलाललाई प्रस्ताव गरेका थिए भने पब्लिक अफिसरमा कोमल पाठकको नाम प्रस्ताव भएको थियो । पाठक यसअघि प्रवक्ता बन्ने चर्चा थियो ।

Facebook Comments





सम्बन्धित समाचारहरू

मिल्डुरा विद्यार्थी कुटपिटका आरोपी घले यसो भन्छन्….!
अष्ट्रेलिया सरकारले नयाँ घर बनाउने वा मर्मत गर्नेलाई २५ हजार डलर अनुदान दिने
डढेलो र कोरोनाको कारण अष्ट्रेलियाको अर्थतन्त्र २९ वर्षपछि मन्दीमा !
नेपाली सीमा मिचेको विषयमा न्यूजिल्याण्डबाट मोदीलाई खबरदारी !
काँग्रेसका ८ मधेशी सांसदले दर्ता गराएको संशोधन वैधानिक कि अवैधानिक !
आपतमाथि थपिएको विपद, बाँके दुर्घटनामा मृत्यु हुनेको संख्या १२ पुग्यो !
अमेरिकाको ३० शहरमा विरोध प्रदर्शन, घटनामा संलग्न प्रहरी अधिकारी डेरेक चौभिन निलम्बन
दिनमा २५ सयका दरले विदेशबाट नेपालीलाई स्वदेश फर्काउने यस्तो छ तयारी
error: Content is protected !!