अश्लिल भिडियो पूर्वप्रेमिकाको परिवारलाई पठाएपछि एडिलेडमा एक नेपाली युवा पक्राउ


एक २५ वर्षीय नेपाली युवा एडिलेडमा पक्राउ परेका छन् । उनी पूर्वप्रेमिकालाई धम्की दिएको आरोपमा पक्राउ परेका हुन् । उनले दुईबीचको अन्तरंग भिडियो र फोटो पूर्वप्रेमिकाको बेलायतमा रहेका परिवारलाई पठाई यसलाई सार्वजनिक गरिदिने धम्की दिएका थिए । निजको साथबाट संघीय प्रहरीले मोबाईल र ल्यापटप पनि बरामद गरेको छ । यस किसिमको पहिलो घटनाको अनुसन्धान गरिरहेको अष्ट्रेलियाको संघीय प्रहरीले अभियुक्तलाई व्यक्तिगत यौनजन्य दृश्य र तस्वीरहरु फैलाएको आरोपमा पक्राउ गरेको छ । सरकारी वकिलले युवक र उसको प्रेमिका बेलायतमा रहँदा अत्यन्त निकट प्रेम सम्बन्धमा रहेको र गएको जुनमा दुई वर्षीय विद्यार्थी भिसामा युवक अष्ट्रेलिया आएको थियो । युवक यता आएपछि युवतीले अर्कैसँग बिहे गरेकी थिइन् । तर, अष्ट्रेलिया आएपछि युवकले युवतीको श्रीमानलाई फोन गर्दै पहिलेका तस्वीर र भिडियोको स्क्रिनसट पठाएको थियो । यतिमात्र होइन, निजले यी सबै भिडियो ईन्टरनेटमा अपलोड गरेर सार्वजनिक गरिदिने धम्की पनि दिएको थियो । बेलायतका प्रहरीले यस घटनाको अनुसन्धान गर्दै निजले पठाएका केही स्क्रिनसटहरु हेरेका पनि थिए । त्यसपछि बेलायतको प्रहरीले अष्ट्रेलियन प्रहरीसँग समन्वय गरी पक्राउ गर्न आग्रह गरेको थियो । निज युवकलाई अदालतमा पेश गरिएकोमा अदालतले एक महिनाको म्याद दिएर प्रहरीलाई थप अनुसन्धान गर्न भनेको छ । प्रहरीले निजले नेपाली भाषामा पठाएका सन्देशहरुलाई अनुवाद गर्दैछ ।

Facebook Comments





सम्बन्धित समाचारहरू

मिल्डुरा विद्यार्थी कुटपिटका आरोपी घले यसो भन्छन्….!
अष्ट्रेलिया सरकारले नयाँ घर बनाउने वा मर्मत गर्नेलाई २५ हजार डलर अनुदान दिने
डढेलो र कोरोनाको कारण अष्ट्रेलियाको अर्थतन्त्र २९ वर्षपछि मन्दीमा !
नेपाली सीमा मिचेको विषयमा न्यूजिल्याण्डबाट मोदीलाई खबरदारी !
काँग्रेसका ८ मधेशी सांसदले दर्ता गराएको संशोधन वैधानिक कि अवैधानिक !
आपतमाथि थपिएको विपद, बाँके दुर्घटनामा मृत्यु हुनेको संख्या १२ पुग्यो !
अमेरिकाको ३० शहरमा विरोध प्रदर्शन, घटनामा संलग्न प्रहरी अधिकारी डेरेक चौभिन निलम्बन
दिनमा २५ सयका दरले विदेशबाट नेपालीलाई स्वदेश फर्काउने यस्तो छ तयारी
error: Content is protected !!