अर्को देशको नागरिकता लिएपनि नेपाली नागरिकता निरन्तर होस्
गैरआवासीय नेपालीले दोहोरो नागरिकता होइन नेपाली नागरिकताको निरन्तरता होस् भन्ने अपेक्षा गरेका छन् । विश्वको जुनसुकै कुनामा स्थायीरूपले बसेपनि भोलिका दिन नेपाल फर्केर आउँदा नेपाली हुन पाइयोस्, आफ्ना छोराछोरीले नेपालमा बस्न चाहे सहजतापूर्वक नागरिकता प्राप्त गरून् र नेपाल र नेपाली प्रतिको माया अटुट रहोस् भन्ने कामना अमेरिकामा बस्ने गैरआवासीय नेपालीहरूले गरेका छन् । अमेरिकास्थित गैरआवासीय नेपालीहरूको संस्थाले आयोजना गरेको पत्रकार भेटघाटमा सो संस्थाका अध्यक्ष खगेन्द जिसीले भन्नुभयो, ‘हामीलाई दोहोरो नागरिकता होइन नागरिकताको निरन्तरता होस् अर्थात चाहिएको बखत नेपाली नागरिकता लिन पाइयोस् ।”
