ऐतिहासिक चलचित्र सेतो बाघको रेड कार्पेट शो मेलबर्नमा हुने भएको छ । नोभेम्बर ८ तारिखका लागि तय गरिएको यस समारोहको निम्ति टिकट बिक्री सुरु गरिएको छ । कार्यक्रममा महत्वपुर्ण भुमिका निर्वाह गर्ने प्रायोजक,सहप्रायोजक,अन्य सहयोगी संघ संस्था र नेपाली समुदायप्रति आभार व्यक्त गर्दै कार्यक्रम भव्य रुपमा सम्पन्न गर्न सहयोगको लागी एनएनएन मिडियाले आग्रह समेत गरेको छ । ऐतिहासिक चलचित्र भएकोले धेरैले यसलाई हेर्ने अपेक्षा गरिएको छ । सिड्नीमा आमागी नोभेम्वर १५ मा प्रदर्शन गरिनेछ भने,डार्विन,अडिलेड,क्विन्सल्याण्ड र पर्थमा आगामी डिसेम्वर महिनाभित्र प्रदर्शन गरिनेछ । मेलवर्नमा हुने सेतो बाघको प्रिमियर शो का लागि निर्देशक नीर शाह सहितको टोली अष्ट्रेलिया आउने कार्यक्रम समेत छ । प्रिमियर शो सकिए लगत्तै नियमित रुपमा सेतो वाघको सार्वजनिक प्रर्दशन सोही हलमा गरिने छ । डायमण्ड शमशेर राणाको ऐतिहासिक उपन्यासमाथी निर्मित चलचित्र सेतो बाघमा तत्कालिन राणा शासक जंगवहादुरको अन्तिम तीस दिनलाई समेटिएको छ ।