त्रिशुलीमा डुबेको ट्रकका बेपत्ताको पहिचान खुल्यो
पृथ्वी राजमार्गअन्र्तगत धादिङको गजुरी गाविस–२ फुर्केखोलामा सोमबार भएको ट्रक दुर्घटनामा हराएकामध्ये तीनजनाको पहिचान खुलेको छ । काठमाडौँबाट धादिङको चरौँदीतर्फ जाँदै गरेको ना४ ख ८८१३ नंको ट्रक फुर्केखोला नजिकैबाट त्रिशूलीमा खसेको हो । प्रहरी नायब उपरीक्षक प्रकाश मल्लका अनुसार चालक बैरेनीका विमल खड्का, सहचालक सुरेन्द्र परियार र दिपक थापाको पहिचान खुलेको छ । गाडीका चालकको शव दुर्घटनास्थलभन्दा केही तल फेला परेको जानकारी दिँदै प्रनाउ मल्लले डोजरको सहायताले गाडी निकाल्ने प्रयास भइरहेको बताउनुभयो ।
