समिति क्षेत्राधिकारबाहिर गएकोले निर्देशन नमान्ने निरौलाको स्पष्टीकरण
व्यवस्थापिका संसदको सार्वजनिक लेखा समितिले निलम्बनका लागि निर्देशन दिएपछि नेपाल पर्यटन बोर्डका कायम मुकायम कार्यकारी निर्देशक सुवास निरौलाले समिति आफ्नो क्षेत्राधिकार बाहिर गएकोे आरोप लगाउनुभएको छ । बोर्डभित्र भ्रष्टाचार र आर्थिक अनियमितता भएको भन्दै समितिले बुधबार उहाँलाई कारबाहीका लागि निर्देशन दिएको हो । निरौलाले आज पत्रकार सम्मेलन गरी आफूले संसदीय समितिको सम्मान गर्ने भए पनि क्षेत्राधिकार नाघेर निर्देशन दिइएकोले पद नछाड्ने अडान राख्नुभयो । बोर्डभित्रको विषय अदालतमा विचाराधीन भएकाले अदालतले गरेको फैसला मात्र आफूलाई स्वीकार्य हुने उहाँले बताउनुभयो ।
