काठमाडौँबाट रसुवाको सदरमुकाम धुन्चे हुँदै स्याब्रवेंसी जाँदै गरेको बा२ख २२६६ नम्बरको यात्रुबाहक बस शुक्रबार बिहान नुवाकोट जिल्लाको बेलकोट गाविस–६ को ती गाउँ नजिकैको भिरबाट खसी दुर्घटना हुँदा आठजनाको घटनास्थमै मृत्युभएको छ । अहिलेसम्म ५२ जना घाइतेको उद्धार गरी काठमाडाँै र विदुरस्थित जिल्ला अस्पतालमा उपचारका लागि लगिएको प्रहरी नायब उपरीक्षक अरूण पौडेलले जानकारी दिनुभएको छ । अहिलेसम्म कुनै पनि मृतकको सनाखत हुन सकेको छैन । घटनास्थलमा नेपाली सेना, नेपाल प्रहरी, सशस्त्र प्रहरी एवम् स्थानीय बासिन्दाद्वारा उद्धार कार्य भइरहेको छ । पासाङल्हामु राजमार्गको भिरबाट करिब १५० मिटर तल बस खसेको हो । राजमार्ग साँघुरो भएकाले र सडक बिग्रेकाले दुर्घटना भएको हुनसक्ने प्रमुख जिल्ला अधिकारी कोशहरि निरौलाले बताउनुुभयो । दुर्घटनामा परी तीनजना विदेशी नागरिकसमेत मृत्यु भएको बताइएको छ । दुर्घटनाग्रस्त बस पासाङल्हामु बस व्यवसायी सङ्घको हो । घाइतेहरूको उद्धारका लागि हेलिकोप्टरसमेत परिचालन गरिएको प्रजिअ निरौलाले जानकारी दिनुभयो ।