राष्ट्रिय फोटो पत्रकार समूहको अध्यक्षमा रङ्ग फोटो पत्रकार राजभाइ सुवाल सर्वसम्मत रुपमा चयन हुनुभएको छ । समूहको सम्पन्न सातौँ महाधिवेशनले सुवालको अध्यक्षतामा ११ सदस्यीय नयाँ कार्यसमिति चयन गरेको निर्वाचन अधिकृत रामजी दाहालले जानकारी दिनुभयो । समितिको उपाध्यक्षमा वीरगन्जका फोटो पत्रकार राम सर्राफ, महासचिवमा राष्ट्रिय समाचार समिति (रासस) का कुमार श्रेष्ठ, सचिवमा हिमाल खबर पत्रिकाकी देवकी विष्ट र कोषाध्यक्षमा गोरखापत्रकी कविता थापा रहनुभएको छ । त्यसैगरी, सदस्यमा किरण आचार्य, जनार्दन अर्याल, विजु जोशी, प्रवीण महर्जन र न्हुच्छेँमान डङ्गोल रहनुभएको छ । यसअघि दिउँसो समूहको महाधिवेशनको सूचना तथा सञ्चारमन्त्री डा मीनेन्द्र रिजालले उट्घाटन गर्नुभएको थियो ।