अष्ट्रेलियन प्रधानमन्त्री टोनी एबोटले रुसी राष्ट्रपति भ्लादिमिर पुटिनसँगको प्रत्यक्ष कुराकानीमा आपूmले मलेसिएन एयरलाईन्सको जहाज एमएच १७ को विषयमा कडा सम्वाद गर्ने बताउनुभएको छ । उहाँले यसमा अष्ट्रेलियन चासो व्यक्त गर्नुहुनेछ । चीनको राजधानी बेइजिंगमा हुन लागेको एपेकको सम्मेलनका क्रममा उहाँले चिनियाँ राष्ट्रपति सी जिनपिंग, अमेरिकी राष्ट्रपति बराक ओबामासहित भ्लादमिर पुटिनसँग पनि भेट गर्ने कार्यक्रम तय भएको छ । प्रधानमन्त्री एबोटले भनेका छन्, मसँग अष्ट्रेलियन जनताको तर्फबाट रुसी राष्ट्रपतिलाई दिनका निम्ति कडा सन्देश छ । उक्त विमानलाई खसाउनेहरुका विरुद्ध भइरहेको अनुसन्धान र तिनलाई कारवाहीको दायरामा ल्याउने कुरामा रुसले आफ्ना शब्दजस्तै व्यवहार पनि कायम राखोस् भन्ने ईच्छा पनि प्रधानमनत्री एबोटको छ । यस घटनामा ३८ अष्ट्रेलियन नागरिकहरुको मृत्यु भएको थियो । यसपछि अझै यी दुई नेताबीच ब्रिसबेनमा हुने जी २० सम्मेलनका क्रममा समेत भेट हुनेछ । तर, यस क्रममा भने यी विषय नउठाइने बताइएको छ । प्रधानमन्त्री दुईबीचको विवादका  कारण जी २० सम्मेलन नै छायाँमा परोस् भन्ने चाहनुहुन्न ।