सिड्नीका दर्शकहरुले एकपछि अर्को गर्दै मनोरञ्जनात्मक प्रस्तुतिको मजा लिन पाइरहेका छन् । यसैक्रममा निर्णय डा एनएसकेसहितको टोलीका साथमा आज आइतबार साँझ ८ बजेपछि सिड्नीको सिटीस्थित अक्सफोर्ड आर्ट फ्याक्ट्रीमा आयोजना गरिएको नेपहप नाईट सम्पन्न भएको छ । निर्णयका साथ आस्था बी, मिष्ठा के पनि सहभागी भएका थिए । नेपहप नाईटमा अन्य कलाकारहरुले पनि आफ्नो प्रस्तुति दिएका छन्।  अष्ट्रेलियामै पहिलो पटक यस किसिमको र्याप र हिपहप नेपाली म्युजिकको कन्सर्ट आयोजना गरिएको हो। साथै, कार्यक्रममा हिपहप डान्सहरु पनि समावेश गरिएका थिए । कार्यक्रमको सञ्चालन एमएनटीभीकी प्रस्तोता सोयाम कटुवालले गरेकी छिन्। नेपाली ठूला दुई झण्डाको बीचमा सिंगारिएको स्टेजमा निर्णयले आफ्ना लोकप्रिय गीतहरु प्रस्ुत गरेका थिए। म नेपाली लगायतका गीतमा दर्शकहरुले मजा लिएका थिए। अर्कोतर्फ मलाई पुगेन यो वैंशले भन्दै आस्था बी ले पनि दर्शकहरुलाई भरपूर मनोरञ्जन गराएकी छिन्।