काभ्रेपलाञ्चोकको काभ्रे गाविस–९ मा आगोले जलेको अवस्थामा फेला परेका एक युवकको आज घटनास्थलमै मृत्यु भएको छ । भक्तपुरको मध्यपुरथिमि–१६ का २१ वर्षीय आशिष उप्रेती आगोले जलेको अवस्थामा स्थानीयले फेला पारेको र उनको आगो निभाउने क्रममा नै मृत्यु भएको जिल्ला प्रहरी कार्यालय काभ्रेपलाञ्चोकले जनाएको छ ।  एपेक्स कलेज बिबिएमा अध्ययनरत उनले आफ्नो एक जना प्रेमिकाको विषयमा एक साताअघि साथीसँग झगडा गरेकाले तनावमा रहेको पारिवारिक स्रोतलाई उद्धृत गर्दै प्रहरी उपरीक्षक पूजा सिंहले जानकारी दिनुभयो ।  उनले घटनास्थलभन्दा डेढ किलोमिटर वर नै मोटरसाइकल राखेर मोटरसाइकलबाट पेट्रोल निकालेर आफ्नो शरीरमा छर्केर आगो लगाएको प्रहरीको अनुसन्धानबाट खुलेको छ । छोराको शव देखेर आमा बेहोस भएपछि धुलिखेल अस्पतालमा उपचार भइरहेको छ ।