नेपाली चलचित्र पनि यस्तो बन्न थालेछन् । कम्तिमा निर्देशकले कथालाई पटकथा बुनेर सलल बगाउन सक्नु र दर्शककलाई आफ्ना दृश्यहरुमा बाँध्न सक्नु नै चलचित्रको सफलता हो । र, यो प्रयत्नमा चलचित्र सरी ल अनि यसका निर्देशक ऋषि लामिछाने सफल रहेका छन् । यो भनाई चलचित्र सरी ल को पहिलो सिड्नी शो हेरिसकेपछि दर्शकहरुले दिएका प्रतिक्रियामध्येकै हो । नेपाली युवापुस्ता यतिबेला फेसबुकमा रमाउन खोजीरहेका छ । विस्तारै सामाजिक सञ्जालमा अघि बढ्दै गएको एउटा युवकले गरेको एउटा सानो गल्ती र यसबाट अघि बढेको कथावस्तुमै अन्त्य हुन्छ सरी ल…, सिड्नीको २२ नोभेम्बरको प्रदर्शनमा सहभागी भएका दर्शकहरुले कथावस्तु र प्रस्तुति निकै सशक्त लागेको प्रतिक्रिया दिएका छन् । हर्सभिलस्थित सिभिक थियटरमा प्रदर्शन गरिएको चलचित्रको सुरुवातमा केही सम्वादहरु दुईअर्थी भएपनि पात्रहरुको चरित्र चित्रण गर्दै आकर्षण ढंगमा यसको विट मार्न निर्देशक सफल भएको सबैको ठम्याई छ । नेपाली चलचित्र भन्ने बित्तिकै छेउ न पुच्छरको हुने धारणा राखेका सिड्नीवासी केही दर्शकसमेत यसको प्रस्तुतिबाट सन्तुष्ट भएको बताइरहेका थिए । चलचित्रका दर्शकहरुको प्रतिक्रियासहित प्रस्तुत गर्दछौं यो भिडियो । आगामी नोभेम्बर २९ तारिखमा फेरि अर्को शो चलचित्र सरी ल… को राखिएको यसका प्रस्तुतकर्ता एमएनएभीले जनाएको छ ।