नेपाल लालीगुराँस क्लब थन्डर कप क्रिकेटको फाईनलमा, श्रीलंकासँग जनवरी १७ मा भिडन्त
नेपाल लालीगुराँस क्लबले सिड्नीमा जारी थन्डर कपको सेमिफाईनल खेल जित्दै आपूmलाई फाईनल चलरणमा प्रवेश गराएको छ । नेप्लीज क्रिकेट एशोसिएसन अफ अष्ट्रेलियाका अनुसार आगामी १७ जनवरीका दिन होम्बुसको स्पोर्टलेस स्टेडियममा फाईनल खेल हुनेछ । जसमा नेपालले श्रीलंकाको सामना गर्नेछ । नेपालले पाकिस्तान, बंगलादेश, अफगानिस्तान र भारतीय टिमलाई पराजित गर्दै फाईनल सम्मको यात्रा तय गरेको हो । नेपाली क्रिकेट टिमले प्राप्त गरेको यो सफलतामा साथ दिन सबै नेपाली समूदायका व्यक्तिहरुले त्यस दिन फाईनल कार्यक्रममा उपस्थित भई उनीहरुको हौसला बढाउन पनि आग्रह गरिएको छ । विभिन्न समूदायकाबीचमा हुने यस क्रिकेट प्रतियोगिताको फाईनलमा नेपाल पहिलो पटक पुगेको हो ।
