क्रिकेट बलले लागेर निधन भएका अष्ट्रेलियन क्रिकेटर फिलिप ह्युजको अन्त्येष्ठी आज गरिँदैछ । अहिले केहीबेरमा उनको गृहनगर म्याक्सभिलमा हुने अन्त्येष्ठीमा उनको शव भएको कफन अष्ट्रेलियन क्रिकेट टिमका कप्तान माईकल क्लार्कले पनि उठाउनेछन् । ३ सयदेखि ४ सयसम्म विशिष्ठ व्यक्तिहरु यस कार्यक्रममा उपस्थित हुँदैछन् भने ह्युजका अभिभावकहरुले गृहनगरका सबै बासिन्दालाई सहभागिताको निम्ति अनुरोध गरेका छन् । करिब ५ हजार व्यक्तिहरु उनको अन्त्येष्ठीमा सहभागी हुने अनुमान गरिएको छ । प्रधानमन्त्री टोनी एबोट, विपक्षी नेता बिल सोर्टन लगायत न्यू साउथ वेल्सका प्रिमियर माईक बाईर्ड पनि सहभागी बन्नेछन् । यस क्रममा एविसी टेलिभिजनसहति केही रेडियोले प्रत्यक्ष प्रशारण गर्ने कार्यक्रम पनि तय गरेका छन् ।