भर्खरै अष्ट्रेलियाका विभिन्न शहरमा नेपहप नाईट सम्पन्न गरी काठमाडौं फर्किएका निर्णय श्रेष्ठले यस यात्राका क्रममा उठेको एक लाख रुपैयाँ कीर्तिपुरको भत्केपाटीमा रहेको सफलता शिक्षा सदनलाई हस्तान्तरण गरेका छन् । विश्व एड्स दिवसको क्रममा गत डिसेम्बर एक तारिखमा उनले एक कार्यक्रमकाबीच उक्त रकम हस्तान्तरण गरेका हुन् । यस भ्रमणका दौरान निर्णयलाई साथ दिएकी गायिका आस्था भण्डारी पनि उक्त अवसरमा उपस्थित थिइन् । नेपहप नाईट अष्ट्रेलियाको र च्यारिटी डिनरको आयोजना एएलपी ईन्टरटेन्मेन्ट, हो र होइन होला ईभेन्टस्, ब्रदरहुड नेपाल, एस ह्युम्यानिटी लगायतले गरेका थिए । र्यापर निर्णय डा एनएसकेले नेपाली विद्यार्थीहरुको निम्ति शिक्षा सम्बन्धी अर्को सेवामूलक योजना पनि ल्याएका छन् । जस अन्तर्गत एक नेपाली एक रुपैयाँ अभियान सञ्चालित छ । जसमा तीन करोड जम्मा गरी गरिब बालबालिकाहरुलाई पेन्सिल, कापी, ईरेजर लगायतका शैक्षिक सामग्री वितरण गरिनेछ । सफल एचआईभी शिक्षा सदनमा एचआईभी लागेका बाबुआमाका सन्तानहरुले शिक्षा हासिल गरिरहेका छन् । Photo : Nirnaya da’NSK FB