अष्टे«लियाली नागरिक समाज ‘यससीएआइ’ द्वारा सञ्चालित सूर्याेदय बाल अनाथ सेवा समिति काठमाडौँले दक्षिणी झापाको राजगढमा रहेका सातवटा सामुदायिक विद्यालयका एक हजार ८५० विद्यार्थीलाई जाडोको कपडा वितरण गरेको छ । विद्यालयमा आयोजित एक कार्यक्रमकाबीच जाडोको कपडा, टोपी, स्विटर, ज्याकेट, जुत्ता, मोजालगायतका सामग्री वितरण गरिएको स्थानीय पशुपति उच्च माविका शिक्षक रमेशकुमार सिंहले जानकारी दिनुभयो । उहाँका अनुसार पशुपति उच्च माविमा कक्षा १० सम्म अध्ययनरत ९५० सहित रामनगर प्रावि, बुट्टाबारी निमावि, जनता निमावि, भगवती निमावि, अमृत निमाविलगायतका विद्यालयमा अध्ययनरत विद्यार्थीलाई उक्त सामग्री वितरण गरिएको छ । सो समाजले यसअघि पनि राजगढमा सञ्चालित प्रत्येक विद्यालयमा कक्षा ९ सम्म अध्ययनरत १०÷१० जना गरिब तथा जेहेन्दार छात्रछात्रालाई शैक्षिक सामग्री, पोसाक तथा छात्रवृत्ति वितरण गर्दै आएको अष्टे«लियाली नागरिक समाजका सीता शिवाकोटी मैनालीले जानकारी दिनुभयो ।