आज ल्होछार २०१५ विशेष कार्यक्रम गरिँदै, विशेष पूजा हुने
सिड्नीमा रहेका तमु समूदायका व्यक्तिहरु संगठित बनेको संस्था तमु समाज सिड्नीले आज ल्होछार २०१५ कार्यक्रम गर्ने भएको छ । यस वर्ष भेडा वर्ष भएको जनाउँदै समाजले कार्यक्रममा बौद्ध परम्परा अनुसार पूजाआजा गर्नुका साथै प्रसाद वितरण समेत गर्ने जनाएको हो । यसैगरी विभिन्न मनोरञ्जनात्मक कार्यक्रम पनि त्यसदिन हुनेछन् । स्थानीय म्यारिकभिल टाउन हलमा आयोजना गरिने कार्यक्रममा सांस्कृतिक नृत्य, वेषभूषा प्रदर्शनीका साथै आधुनिक नृत्य र अन्य मनोरञ्जनात्मक कार्यक्रम पनि रहनेछन् । सिड्नीमा रहेका तमु समाजका देव गुरुंगका अनुसार आज साँझ ५ बजे पूजा आरम्भ हुनेछ भने ५ः३० बजे देखि ६ बजेसम्म प्रसाद वितरण गरिनेछ । यसपछि अन्य विविध मनोरञ्जनात्मक कार्यक्रम गरिनेछ ।
