नेपथ्य व्याण्डको अष्ट्रेलिया टूर २०१५ सुरु भएको छ । आज सो व्याण्डका सदस्यहरुसहित अमृत गुरुंगसहितको टोली पर्थ आइपुगेको हो । पर्थमा नेपाली समूदयाका सदस्यहरुले उहाँहरुको स्वागत गनुृभएको थियो । करिब एक महिना लामो यस टूरका क्रममा पहिलो कार्यक्रम पर्थमा नै हुने भएकोले त्यसको पूर्वतयारीका लागि समेत व्याण्ड कार्यक्रम अघि नै आइपुगेको हो । यसैगरी अप्रिल ११ तारिखमा सिड्नीमा कार्यक्रम हुनेछ । सिड्नीको लुनापार्कमा आयोजना हुन लागेको कार्यक्रममा करिब ३ हजारबढी दर्शक हटउनसक्ने गरी तयारी गरिएको छ । टिकट धमाधम बिक्री भइरहेको कार्यक्रमको मुख्य आयोजक म्याग्दी सेवा समितिले जनाएको छ । यसलगत्तै १५ अप्रिलमा ब्रिसवेनमा, १८ मा डार्विन र अप्रिल २६ मा मेलबर्नमा कन्सर्ट हुनेछ । सबै राज्यहरुमा तयारी पूरा भएको छ । नयाँ वर्षको अवसर पारेर आयोजना गरिएका यस अष्ट्रेलिया टूर अविष्मरणीय हुने अपेक्षा नेपथ्यका सदस्यहरुले लिएका छन् । सिड्नीमा कार्यक्रमअघि ८ अप्रिलका दिन पत्रकार सम्मेलनको आयोजना गरिएको छ ।