नेपथ्य व्याण्डको अष्ट्रेलिया टूर २०१५ अन्तर्गत शनिबार सिड्नीमा भव्य कन्सर्ट आयोजना हुँदैछ। यसकालागि व्याण्ड सिड्नी आइसकेको छ। आज पत्रकार सम्मेलन आयोजना हुँदैछ। यसअघि व्याण्डले गत ४ तारिखका दिन पर्थमा आफ्नो कन्सर्ट सम्पन्न गरिसकेको छ। करिब एक महिना लामो यस टूरका क्रममा सिड्नीको लुनापार्कमा आयोजना हुन लागेको कार्यक्रममा करिब ३ हजारबढी दर्शक हटउनसक्ने गरी तयारी गरिएको छ । टिकट बिक्री अन्तिम चरणमा पुगेको मुख्य आयोजक म्याग्दी सेवा समितिले जनाएको छ । यसलगत्तै १५ अप्रिलमा ब्रिसवेनमा, १८ मा डार्विन र अप्रिल २६ मा मेलबर्नमा कन्सर्ट हुनेछ । सबै राज्यहरुमा तयारी पूरा भएको छ । नयाँ वर्षको अवसर पारेर आयोजना गरिएका यस अष्ट्रेलिया टूर अविष्मरणीय हुने अपेक्षा नेपथ्यका सदस्यहरुले लिएका छन् ।