विश्व आदिवासी दिवस २०१५ को अवसरमा गत आइतबार सिड्नीको पिटरशामस्थित टाउनहलमा विविध कार्यक्रम आयोजना गरियो । नेपाल आदिवासी जनजाति महासंघ अष्ट्रेलियाक निन्फाको आयोजनामा भएको कार्यक्रममा प्रमुख अतिथि क्यान्टोरबरी काउन्सिलका मेयर ब्राइन रोबसनक हुनुहुन्थ्यो । कार्यक्रममा संघीय समाजवादी पार्टी अष्ट्रेलियाका अध्यक्ष गणेश तामांग, एनआरएन अष्ट्रेलियाका अध्यक्ष सुरेन्द्र सिग्देल, निन्फाका अध्यक्ष चित्र तुम्बाहाम्फे लगायतले बोल्नुभएको थियो । उहाँहरुले आदिवासी जनजातिको पहिचान झल्कने विविध गतिविधि गरेकोमा निन्फाको प्रशंसा गर्नुभएको थियो । कार्यक्रममा विविध सांस्कृतिक कार्यक्रम गर्नुअघि नेपालबाट अष्ट्रेलिया आउनुभएका अभिभावकहरुको सम्मान गरिएको थियो । निन्फामा आबद्ध विभिन्न जातीय संगठनहरुले उक्त अवसरमा आफ्नो जातीय पहिचान झल्कने पोशाक प्रदर्शनका साथै, विभिन्न खानाका स्टलहरु पनि राखेका थिए । निन्फाले हरेक विश्व वर्ष आदिवासी जनजाति दिवसको अवसरमा यस किसिमको कार्यक्रम गर्दै आएको छ ।