विभिन्न सांस्कृतिक कार्यक्रमको आयोजना गरी दशैं महोत्सव मनाइएको एडिलेडमा हर्षउल्लासपूर्वक दशैंलाई बिदा गरिएको छ । एडीलेड खुकुरी फुटबल क्लबले आयोजना गरेको “दशैं कप अस्ट्रेलिया २०१५” को समापनसँगै दशैंको अवसरमा आयोजना गरिएका विविध कार्यक्रम समापन भएका छन् । यस पटकको दशैं कप फुटबल प्रतियोगिताको उपाधी अल्बरी वोदोंगो थ्रीस्टारले जितेको छ । साउथ अस्ट्रेलियामा रहेको ग्रिनहिल पार्क साइड साउथर्न पार्कल्याड्समा आयोजना गरिएको फाइनल खेलमा प्रतिद्वन्द्वी एडीलेड ड्रयागन सकर क्लब ९निलो० लाई ७–१ गोल अन्तरले पराजित गर्दै अल्बरीले उपाधिमा कब्जा जमाएको छ । यस प्रतियोगितामा ९ टिमले सहभागिता जनाएका थिए । नेपाली र भुटानी नेपालीहरुको बसोबास रहेको एडीलेड क्षेत्रमा हरेक वर्ष आयोजना हुने “दशैं कप” मा यस क्षेत्रमा रहेका नेपाली समूदायसँग सम्बन्धित संघ संस्थाले सहकार्य गर्दै आएका छन् । खेलको पूर्वसन्ध्यामा नर्थ एडीलेड कम्युनिटी सेन्टरमा मनोरन्जनात्मक सास्कृतिक कार्यक्रम पनि आयोजना गरेको थियो जसमा नेपाली कलाकारहरुले गायन र नृत्य मार्फत दर्शकहरुलाई मनोरञ्जल दिलाएका थिए । नेपाल एडिलेडको सहयोगमा