फाईनान्स र ऋणका विषयमा सघाउने  र घर खरिदमा परामर्शदाता  स्मार्टलाईन कम्पनीबाट नेपाली व्यसायी कपिल नेपालले एवार्ड प्राप्त गरेका छन् । उक्त कम्पनीको आधिकारिक विक्रेता रही गत १२ महिनामा उनले गरेको कामको मूल्यांकन गर्दै नेपाललाई दोश्रो वर्ष पनि विजनेश ग्रोथ एवार्ड प्रदान गरिएाके छ । त्यस्तै उनले हाई एचिभमेन्ट एवार्ड पनि हात पारेका छन् । उनले कम्पनीको कारोबारमा उच्च योगदान दिएको भन्दै यस्तो एवार्ड दिइएको हो । उनी फ्रेन्चाइजी अफ द ईयरमा पनि फाईनल प्रतिस्पर्धामा थिए । कम्पनीले एक विज्ञप्ति जारी गरी यस विषयमा जानकारी गराएको छ । नेपाली व्यवसायी कपिल नेपालको व्यवसायिकता र प्रभावकारिताको प्रसंसा गर्दै विज्ञप्तिमा उनले व्यवसायलाई विस्तार गरेको लेखिएको छ । यस विषयमा एमएनटीभीसँग कुरा गर्दै नेपालले भने, “मेरा धेरैभन्दा धेरै ग्राहकको विश्वास, साथ र सहयोग विना मैले यी एवार्ड जित्न सक्दिनथें होला । मेरो सेवालाई रुचाएर अरुलाई पनि भनिदिने सबैमा धन्यवाद दिन चाहन्छु ।”