एनआरएन न्यूसाउथवेल्सको आज बसेको बैठकले सल्लाहकारहरुको नियुक्तिका साथै जनवरी र फेब्रुअरी महिनाका लागि प्राजेक्टको घोषणा गरेको छ । एनआरएन न्यूसाउथवेल्सका संयोजक दिनेश पोखरेलले हरेक महिना एक कार्यक्रम गर्ने घोषणा गरे बमोजिम जेष्ठ नागरिकहरुको लागि जनवरी २०१६ मा विशेष कार्यक्रम ल्याउने भएको छ । यसको निम्ति कृष्ण निरौलालाई संयोजक तोकिएको छ । यस्तै फेब्रुअरी महिनामा विद्यार्थीलाई लक्षित गर्दै सूचना परियोजना सञ्चालन गरिनेछ जसका लागि दिपक लामिछाने संयोजक तोकिएका छन् । बैठकले गरेको निर्णय अनुसार एनआरएन न्यूसाउथवेल्सका सल्लाहकारमा हरि राम्जाली, ईथान शाक्य, शुभांशु साह, उमेश पोखरेल, भरत देवकोटा, सन्ध्या शाह, तारन प्रसाई, शरद खरेल, हिरा कंडेल, रामजी बस्नेत तोकिएका छन् । एमएनटीभीसँग कुरा गर्दै संयोजक दिनेश पोखरेलले बैठकले संस्थाको विधान अनुरुप सल्लाहकार तोक्ने र हरेक महिना नयाँ कार्यक्रम गर्ने लक्ष्य राखेको बताउनुभयो । अहिलेदेखि नै सिड्नीमा हुने नेपाल फेष्टिभलको तयारीका लागि पनि क्रियाशिल रहने पोखरेलले जानकारी दिनुभयो ।