नेपाली काँग्रेसका वरिष्ठ नेता शेरबहादुर देउवाले सभापति पदमा जिताउन आफूलाई सबैले सहयोग गर्नुपर्ने बताउनुभएको छ । उहाँले पार्टीलाई एक बनाएर लैजान र वर्तमान संविधान कार्यान्वयनका लागि आफू सक्षम भएकाले सहयोग गर्न आग्रह गर्नृुभयो । पार्टीलाई एक बनाउन आफूलाई नेतृत्व दिन नेता कार्यकर्तासँग उहाँले आग्रह गर्नुभयो । दाङमा दुई दिनसम्म चलेको प्रदेश नं ५ का नेता कार्यकर्ता प्रशिक्षण कार्यक्रमको समापन गर्दै नेता देउवाले यस्तो बताउनु भएको हो । पार्टीलाई समावेशी बनाउन र गणतन्त्रमा लैजान आफूले महत्वपूर्ण भूमिका खेलेको चर्चा गर्दै देउवाले कार्यान्वयन पनि आफूलेमात्रै गर्नसक्ने बताउनुभयो । मुलुकलाई अन्य कुनै पनि दलले अगाडि बढाउन नसक्ने भन्दै उहाँले त्यसका लागि १३आँै महाधिवेशनबाट सक्षम पार्टी बन्ने दाबीसमेत गर्नुभयो ।